هوا نینگ ساووق بولیشی و موسومی یامغیرلر نینگ یاغیشی بیلن، کابل یشاوچیلریدن قطاری یاقیلغی ماده‌لر اینیقسه تاش کومیر و یاغاچ قیمتی یوقارلیگی‌دن خواطر بیلدیریب ایتیشلریچه، قیش موسومی یتیب کیلیشی بیلن یاقیلغی ماده آلیش گه کوچلری ییتمه‌یدی.
قطار ولایت‌لرده یشاوچیلر پاسپورت ترقه‌تیش و پاسپورت آلیش اوچون آت یازیلیش پروسه‌سی توخته‌گنی‌دن شکایت قیلیب و ایتیشلریچه، پاسپورت‌لری یوقلیگی سبب، ایشلری آرته قالیب یا-ده مملکت‌دن تشقی گه درمان اوچون انتقال بیریله‌دیگن کسل‌لری نینگ وضعیتی یامانلنگن.
پروان ده باغ‌دارلردن قطاری، قوروق میوه‌لر ساتیلیشی اوچون ماس بازار یوقلیگیدن شکایت قیلیب ایتیشلریچه، قوروق میوه‌لر نی آز قیمت گه ساته‌دیلر. اولر نینگ کوپه‌یتیریشلریچه، جاری ییل‌ده اوتگن ییل گه نسبت ایچکی بازارلرده قوروق میوه‌لر قیمتی، ۶۰ فایز اوزگریب و ایکینچیلر نینگ خواطرلری گه سبب بولگن.
قیش موسومی عرفه‌سیده غور بازارلریده گاز نرخی آشگن. غور مرکزی فیروزکوه شهری یشاوچیلریدن بیرقطاری نینگ ایتیشلریچه، اوشبو ولایت ده سونگی ایکی هفته ده گاز نرخی ۶۵ افغانی دن ۸۰ افغانی گه آشگن.
جوزجان یشاوچیلری، ایچیملیک سوو ییتیشمسلیک و طبی خذمت‌لردن فایده‌لنه آلمسلیک‌لریدن شکایت قیله‌دیلر. جوزجان ولایتی خانقاه تومنی یشاوچیسی و اوقیتووچی زرغونه نینگ ایتیشیچه، سونگی ۲۰ ییل ده اوشبو تومن نینگ ترقیاتی اوچون هیچ دقت قیلینمه‌گن و ایچیملیک سوو تنقیص‌لیگی، طبی خذمت‌لردن فایده‌لنه آلمسلیک، قیشلاق‌لر نینگ قتناو یوللری بوزوق‌لیگی و ایکینچیلیک سوو یوقلیگی، خانقاه تومنی یشاوچیلرینی تورلی خیل قیینچیلیک بیلن دوچ قیلگن.
بادغیس ده عسل اریچیلردن قطاری نینگ ایتیشلریچه، سونگی ایکی ییل‌ده قوروق‌چیلیک و گل‌لر یوقلیگی سبب، اوشبو ولایت‌ده عسل ییتیشتیریش میزانی کمه‌یگن.
بلخ مرکزی مزارشریف شهری یشاوچیلریدن قطاری نینگ ایتیشلریچه، سونگی کونلر اوشبو شهر‌ده سیس افلاسلیگی کوپه‌یگن. اولر نینگ کوپه‌یتیریشلریچه، ییگولیک ماده‌لر و قول اوستیده سودا ساته‌دیگن سیار ساتووچی‌لر نینگ لوداسپیکرلری سیسی، موترلر سیسی و جنراتورلر نینگ یوقاری سیسی کون بویلب اینیقسه ایرتنگ تامان شهر یشاوچیلری نینگ تینچ‌لیگی نی بوزگن دیر.
فاریاب مرکزی میمنه شهری‌ده کوزدن عاجز عیال‌لردن قطاری، اوشبو ولایت‌ده ایش زمینه‌سی یوقلیگیدن شکایت قیلیب و ایتیشلریچه، ایش‌سیزلیک و قشاق‌لیک اولر نینگ یامان اقتصادی وضعیت
سمکنی، دیورند چیزیغی یقین‌لیگی‌ده قرار تاپگن پکتیا نینگ اوزاق تومنی‌لریدن بیری دیر؛ بیراق مذکور تومن یشاوچیلری مناسب طبی خذمت‌لر و طبی امکانیت‌لردن فایده‌لنه آلمه‌سلیک‌دن شکایت قیله‌دیلر.
۲۸ سپتمبر خلق‌ارا اطلاعات گه قول تاپه آلمسلیک کونی مناسبتی بیلن، خبرچیلر و ییتکیرمه‌لر مسئوللریدن بیرقطاری، دولت اداره‌لری تامانیدن اطلاعات شریک قیلینمسلیگیدن شکایت قیلیب ایتیشلریچه، دولت اداره‌لریدن بیرقطاری نینگ مسئوللری اطلاعات نی وقتیده اولر بیلن شریک قیلمه‌ی و مذکور اداره‌لردن باشقه بیرقطاری هیچ اطلاعات بیرمه‌یدیلر.
پایتخت یشاوچیلریدن قطاری کابل شهری بازارلریده ییگولیک ماده‌لر اینیقسه اون قیمتی نینگ یوقاری کیتیشی‌‌‌دن شکایت قیلیب ایتیشلریچه، ییگولیک ماده‌لر خصوصیده عایله‌لری نینگ نیازلری نی تأمین‌لش گه کوچلری ییتیشمه‌یدی.
هرات، فراه و نیمروز ولایت‌لر نینگ بیر قطار اهالیسی، ایران دن وارد ایتیلگن برق پرچاوی‌لیگیدن شکایت قیلیب ایتیشلریچه، بیر کیچه_کوندوز ده اکثر ساعت‌لر برق‌لری یوق دیر.
غزنی ولایتی کسلخانه‌سی، کیچیک مکان و قدیمی اتاق‌لری بیلن کوپ سانده یشاوچیلر نینگ مراجعت قیلیش گواهی دیر. غزنی ولایتی کسلخانه‌سی گه کسلینی دوالش اوچون آلیب کیلگن امیدالله گه کوره، کسلینی یریم کیچه آلیب کیلگن و حاضر گچه رخصت بولمه‌گن.
مملکت نینگ شمال، جنوب، شرق و غرب حوزه‌‌لریده‌گی ولایت یشاوچیلریدن قطاری، الکترونیکی کیم‌لیک ترقه‌تیلیشی‌دن کیین خذمت کورسه‌تیش امکانیت‌لریدن فایده‌لنه آلمسلیک‌لریدن شکایت قیلیب ایتیشلریچه، الکترونیکی کیم‌لیک ترقه‌تیله‌دیگن مرکزلر نینگ فعال بولمه‌گنی سبب، قیین‌چیلیک‌لری نینگ حل قیلیش اوچون پایتخت گه سفر قیلیش گه مجبورلر.
خلق‌ارا یوقالگنلر کونی ییتیب کیلگنی بیلن، عایله‌لردن قطاری کشفی و امنیتی نهاد‌لردن، یوقالگنلری نینگ تاپیلیشی خصوصیده، همکارلیک قیلیش‌لری نی ایسته‌یدیلر.
پکتیا نینگ زدران منطقه‌سیده واقع شواک، گرده‌سیری و وزی زدران تومن‌لری اوتگن ۲۰ ییل ایچیده اهالی‌گه طبی خذمت‌لرینی ترقه‌لیش بوییچه ییترلیچه توجه قره‌تیلمه‌گن تومن‌لر جمله‌سیدن سنله‌دی. مذکور تومن‌لر یشاوچیلری طبی خذمت‌لر نینگ مکمل شکلده ارائه بولمه‌سلیگی‌دن شکایت قیلیب ایتیشلریچه، اوتگن ییل‌لر کبی قیین‌چیلیکلر بیلن روپه‌ره‌لر.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
