بادغیس ده عسل اریچیلردن قطاری نینگ ایتیشلریچه، سونگی ایکی ییل‌ده قوروق‌چیلیک و گل‌لر یوقلیگی سبب، اوشبو ولایت‌ده عسل ییتیشتیریش میزانی کمه‌یگن.
سکیز ییل‌دن بیری اریچیلیک بیلن شغللنگن بادغیس یشاوچیسی ۳۸ یاشر محمدامین نینگ ایتیشیچه، قوروق‌چیلیک، گل کمه‌یگنی و طبیعی آفت‌لر کوپه‌یگنی سبب، اوشبو ولایت‌ده او و باشقه اریچیلر نینگ اری صندیقلریدن عسل ییتیشتیریلیشی، نظیری کوریلمه‌گن درجه‌ده کمه‌یگن. «بو ییل عایدی آز دیر؛ ییل‌ده ۱۰ کیلوگرام قولگه کیلتیره‌دیگنیمیزدن، اوچ-تورت کیلوگرامی نی اری‌لر اوزی ییل‌ده مصرف قیله‌دی. ییگولیک ماده، دارو، سقله‌یدیگن بیر کیشی و انتقال بیریلیشی، برچه‌سی‌ده مصرفی بار. دولت و ایچکی و خارجی موسسه‌لردن بیزلر نی یاردم بیریب و حمایت قیلیشلری نی ایسته‌یمیز که بو رقم اوشبو شغل نی دوام بیره‌یلیک.»
بیزلرنینگ «ایکس» ترماغی ده هم تعقیب قیلینگ!
شونینگدیک بادغیس ده‌گی اریچیلیک بیلن شغللنگن کیشی‌لردن باشقه بیری شیراحمد قادری نینگ ایتیشیچه، اوتگن ایکی ییل‌ده اونینگ عسل ییتیشتیریش میزانی ۵۰ فایز کمه‌یگن. اونینگ کوپه‌یتیریشیچه: «ییتی-سکیز ییل‌دن بیری اریچیلیک بیلن شغللنگن‌مین. ۱۵ عسل صندیغیم بار که تورت ییل آلدین هر بیر صندیق‌دن ییل‌ده سکیز‌دن ۱۰ کیلوگرام عسل قولگه کیلتیره‌ر ایدیم؛ بیراق اوتگن ایکی ییل‌ده قوروق‌چیلیک سبب، هر صندیق‌دن تورت-بیش کیلوگرام‌دن کوپراق قولگه کیلتیرمه‌یمیز.»
بادغیس ده‌گی اریچیلر نینگ کوپه‌یتیریشلریچه، سرپرست حکومت و نهاد‌لر اریچیلیک صناعتی گه توجه قیلمه‌‌گنلری صورت‌ده، اوشبو صناعت تنزل گه یوز توتیب و اریچیلر نینگ زیان کوریشی ممکن.
عین حالده، بادغیس ایکینچیلیک، سووغاریش و چاروه‌چیلیک ریاستی مسئوللری نینگ ایتیشلریچه، سونگی ییل‌لرده قوروق‌چیلیک، طبیعی گل‌لر کمه‌یشی و طبیعی آفت‌لر کوپه‌یشی سبب، مذکور ولایت‌ده عسل ییتیشتیریلیش میزانی کمه‌یگن.
بیزلرنینگ فیسبوک صحیفه‌میزگه باش اورینگ!
بادغیس ایکینچیلیک ریاستی نینگ ایکینچیلیک و حیوان‌لر سلامت‌لیگی ایشلری بوییچه مدیری عبدالحلیم حلیم‌زاده نینگ ایتیشیچه، اریچیلردن حمایت قیلیش اوچون اوشبو ریاست، کیله‌جک‌ده اولر گه عسل اری صندیق‌لری نی ترقه‌تیب و تعلیمی برنامه‌لر نینگ یولگه قوییلیشی نی نظرگه آلگنلر. اونینگ کوپه‌یتیریشیچه: «کیله‌جک‌ده عسل اری صندیق‌لری نینگ ترقه‌تیلیشی و شونینگدیک تعلیمی برنامه‌لر نینگ یولگه قوییلیشی خصوصیده برنامه‌میز بار که، بو رقم اریچیلر بیلیم سطحی یوقاری کیتیب و بو کبی وضعیت‌ده، اریچیلیکلری نی سقله‌سینلر.»
ایتیش کیره‌ک که، اوتگن بیر ییل‌ده قوروق‌چیلیک و طبیعی آفت‌لر سبب، ولایت‌لردن قطاریده عسل ییتیشتیریش میزانی کمه‌یگن.
