ینگی‌لیکده چین تشقی ایشلر وزیرلیگی نینگ ایتیشیچه، اسلام امیرلیگی رسمیت گه تانیلیش و دنیا جماعه‌سی گه یول تاپیش اوچون، سیاسی اصلاحات نی ایجاد قیلیش، امنیت نی تأمین‌لش و قوشنی‌لری بیلن یخشی علاقه قوریش گه نیازی بار و خلق‌ارا خواطرلر نینگ حل قیلیشی کیرهک.
خبری بیر ییغین‌ده چین تشقی ایشلر وزیرلیگی سوزلاوچیسی وانگ ونبین نینگ ایتیشیچه: «امید قیله‌میز که طالبلر (اسلام امیرلیگی) دنیا جماعه نینگ امید‌لریگه کوپراق جواب بیرسین، عمومی و همه شمول بیر ساختار ایجاد قیلیب، معتدل و احتیاط‌کار ایچکی و تشقی سیاست‌لر نی قبول قیلسین.»
بیزلرنینگ «ایکس» ترماغی ده هم تعقیب قیلینگ!
چین تشقی ایشلر وزیرلیگی سوزلاوچیسی نینگ اورغولشیچه، چین افغانستان نینگ قوشنی‌سی صفتیده، اوشبو مملکت نینگ دنیا جماعه‌دن اوزاق بولیشی نی ایستمه‌یدی. گرچند اسلام امیرلیگی حاضرگچه بو توغریده هیچ بیر عکس‌العمل کورستمه‌گن؛ بیراق بوندن آلدین دنیا جماعه نینگ برچه شرط‌لری نی عمل گه آشیرگنی نی اّیتگن ایدی.
باشقه بیر تاماندن، خلق‌ارا رابطه‌لر بیلرمانلریدن قطاری نینگ ایتیشلریچه، چین نینگ فکر بیلدیریشلری بو مملکت نینگ غرب مملکت‌لری برابریده کوچی نی کورستیش و آسیا جنوبی مملکت‌لری آرقه‌لی اسلام امیرلیگی نینگ قبول بولینیشی اوچون سعی و حرکت نی کورسته‌دی.
خلق‌ارا رابطه‌لر بیلرمانی محمدباقر جویا نینگ ایتیشیچه: «منطقه‌یی حوزه‌ده، چین افغانستان ده اسلام امیرلیگی حضوری نی آسیا جنوبی‌ده سیاسی-اجتماعی بیر حقیقت صفتیده کورسته‌دی. باشقه بیر تاماندن، چین ایسته‌گی بو معنا نی بیرهدی که، اسلام امیرلیگی نی تانیش اوچون ایشیک نی آلچگنیمیز پیتده، کیله‌جک‌ده سیاسی رقیب‌لریمیز آرقه‌لی سوراق آستیده قالمه‌یلیک. چین سوراق آستیده قالمه‌سلیک اوچون، دستلبکی آدیم صفتیده اسلام امیر‌لیگی‌دن اوزگریشلری یره‌تیلیشی نی ایسته‌گن.»
بیراق خلق‌ارا رابطه‌لر بیلرمانلریدن بیر قطاری نینگ ایتیشلریچه، چین افغانستان نینگ سیاسی قیین‌چیلیک‌لریدن خواطرده؛ چونکه افغانستان نینگ خلق‌ارا جماعه‌دن اوزاق قالیشی چین نینگ اوزون مدت‌لی سیاست‌لری نی تاثیر‌سیز قیلیشی ممکن.
خلق‌ارا رابطه‌لر بیلرمانلریدن باشقه بیری محمود اضطرابی نینگ ایتیشیچه: «هر قنچه چین اسلام امیرلیگی بیلن یالغیز و بیر تامانلمه و تورلی بولیم‌لرده کینگ رابطه‌لر برقرار قیلیش ایستسه؛ بیراق افغانستان باشقه مملکتلر بیلن رابطه قوره آلمه‌گنی صورتده، چین نینگ نقشی هم کم‌رنگ و تاثیر‌سیز بولیشی ممکن.»
بیزلرنینگ فیسبوک صحیفه‌میزگه باش اورینگ!
شونینگدیک خلق‌ارا رابطه‌لر بیلرمانلریدن باشقه بیری عبدالجبار اکبری نینگ ایتیشیچه: «چین اسلام امیرلیگی بیلن یخشی علاقه‌سی بولگن مملکت‌لردن بیری دیر. انه شوو اساسده، اسلام امیرلیگی سیاسی مشروعیت نی کسب قیلیش اوچون تلاش قیلیب و بیر قطار خلق‌ارا قاعده-قانون گه حرمت قایل بولیشی کیرهک که، مملکتلر نینگ خواطرلری حل بولسین.»
اسلام امیرلیگی نینگ قدرت گه ایریشگتی‌دن کیین، دنیا نینگ اینگ بویوک قدرت‌لریدن بیری بولمیش چین، افغانستان بیلن کینگ علاقه‌لر قوریب و شونینگدیک افغانستان ایلچی‌سی نی قبول قیلگن.
