طبیعی آفت‌لرنی باشقریش ایشلری بوییچه دولت وزیرلیگی، حکومت نینگ میدیالر مرکزی ده «دولت نینگ ملت گه حساب بیریش» برنامه‌سیده اوشبو وزیرلیک نینگ ایش گزارشی و بیر ییل‌لیک یوتوق‌لرینی شریک قیلیش ده ایتیشلریچه، مذکور وزیرلیک اوتگن بیر ییل ده یوقاری درجه ده سوو تاشقینی تهدیدی بیلن یوزمه یوز ۲۰ ولایت، ییر سیلجیشی خطری بیلن دوچ ۴ ولایت و مملکت نینگ نسبی زلزله یوز بیره‌دیگن منطقه‌لرینی اینقلش گه اولگورگن.
مذکور وزیرلیک نینگ معلوماتی اساسیده، اولر اوتگن بیر ییل ده کابل ده چمه‌سی ۳ مینگ کیشی نینگ تیریکچیلیگینی تهدید قیلگن ۱۳ تاش نینگ احتمالی سیلجیشینی آلدینی آلیب و طبیعی آفت‌لرنی باشقریش بولیمیده ۱۲۰ کیچیک پروژه نی عملگه آشیرگنلر.
بیزلرنینگ فیسبوک صحیفه‌میزگه باش اورینگ!
طبیعی آفت‌لرنی باشقریش بوییچه دولت وزیرلیگی نینگ مالی و اداری عمومی باشلیغی عبدالرحمان زاهد گه کوره: «استنادی دیوارلر، دریالر یولینی تازه‌لش، کانال و سرک قوریش شامل ۱۲۰ کیچیک پروژه ایشی عملگه آشیریلگن.»
عین‌حالده، طبیعی آفت‌لرنی باشقریش بوییچه دولت وزیرلیگی گه کوره، اوتگن بیر ییل ده طبیعی آفت‌لر طفیلی ۹۶۵ مینگ زیان کورگن عایله گه نقدی و باشقه نرسه یاردم بیرگنلر.
طبیعی آفت‌لرنی باشقریش بوییچه دولت وزیرلیگی مسئوللری، طبیعی آفت‌لر باعث زیان کورگن‌لر گه یاردم بیریش اوچون بودجه تنقیص‌لیگی و یاردم بیرووچی نهادلر ارا هماهنگ‌سیزلیک بیلن روپه‌ره بولسه ده، بیراق مذکور وزیرلیک اوتگن ییل گه نسبتن طبیعی آفت‌لرنی یخشی روشده باشقریش گه اولگورگنلر.
بیزلرنینگ توییترده هم تعقیب قیلینگ!
طبیعی آفت‌لرنی باشقریش بوییچه دولت وزیرلیگی سوزلاوچیی شفیع‌الله رحیمی نینگ ایتیشیچه: «عادی بودجه‌میز بار، بیراق هر پیت طبیعی واقعه یوز بیره‌دی شونی اوچون شاشیلینچ بودجه بیز گه بیریلیشینی ایسته‌یمیز.»
طبیعی آفت‌لرنی باشقریش بوییچه دولت وزیرلیگی گه کوره، اوتگن بیر ییل ده اوروش‌لردن قالگن ۶۵ کیلومتر منطقه ماین و قورال-یراغ دن تازه‌لنگن و حاضرگچه بیر مینگ کیلومتر ماین ییرلشتیریلگن منطقه تازه‌لنمه‌گن.
حاضرگی کونده مملکت جدی طبیعی آفت‌لر بیلن روپه‌ره ایکن، طبیعی آفت‌لرنی باشقریش بوییچه دولت وزیرلیگی نینگ معلوماتی اساسیده، اوتگن بیر ییل ده مملکت بویلب طبیعی آفت‌لر باعث چمه‌سی بیر مینگ ۴۰۰ کیشی اولیب و یره‌لنگن.
