کانلر و پترولیم وزیرلیگی مسئوللری بوگون (دوشنبه، ۲ اسد)، «دولت نینگ ملت گه حساب بیریش» برنامه‌سیده ایتیشلریچه، حاضر مملکت بویلب ۲۰۰ ته کیچیک کان قازیب چیقریلماقده و اولر دن قریب ۱۰۸ ته‌سی اوتگن بیر ییل ده قرارداد گه تاپشیریلگن.
کانلر و پترولیم وزیرلیگی گه کوره، اوتگن بیر ییل ده چمه‌سی ۴۹۳ ته کیچک کان سروی بولگن.
کانلر و پترولیم وزیرلیگی سرپرستی شهاب‌الدین دلاور گه کوره، افغانستان کان‌لری اساسی روشده قازیب چیقریلیب و یخشی باشقریلگن تقدیرده، یالغیز یریم قیمت‌بها کانلر صادراتی دن بیر میلیارد دالر درآمد قیله‌دیلر.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «اونلب قیمت‌بها و یریم قیمت‌بها کانی‌میز بار و بولر اساسی روشده باشقریلسه، بیر میلیارد دالر صادراتیمیز بولیشی ممکن.»
کانلر و پترولیم وزیرلیگی، اوتگن بیر ییل ده کان‌لرنی قازیب چیقریش درآمدی باره‌سیده ایضاح کیریتمه‌ی و خبرچی‌لر نینگ سوراق‌لری گه جواب قیتیرمه‌دی.
برچه‌سی بیلن، کانلر و پترولیم وزیرلیگی مسئوللری نینگ ایتیشلریچه، قازیب چیقریلگن بیر قطار کانلر نینگ درآمدی، عام‌المنفعه پروژه‌لرنی تطبیق ایتیش اوچون اختصاص بیریلگن.
کانلر و پترولیم وزیرلیگی سوزلاوچیسی همایون افغان گه کوره: «اسلام امیرلیگی قوش‌تیپه پروژه‌سی درآمدی و سرپل ولایتی بلخاب تومنی تاش کومیر درآمدینی ملی ترقیات شرکتی گه تاپشیرگن و شونینگدیک، بیش کیچیک کان درآمدی سرک‌لرنی قوریش اوچون اختصاص بیریلگن.»
بیزلرنینگ توییترده هم تعقیب قیلینگ!
ایتیش کیره‌ک که، سرپرست حکومت مملکت کان‌لرینی قازیب چیقریش بیلن بودجه‌سینی تأمینلش اوچون سعی‌وحرکت قیلماقده ایکن، قطار کیشی‌لر مملکت نینگ طبیعی منبع‌لری و کان‌لری ناقانونی روشده قازیب چیقریلیشیدن خواطر بیلدیرماقده‌لر، لیکن کانلر و پترولیم وزیرلیگی مسئوللری کانلر استندرد روشده قازیب چیقریلیشی اوستیده تأکید ایته‌دیلر.
