تخار محلی مسئوللری، اوشبو ولایتده جوازسیز فعالیت آلیب بارهیاتگن زرشویلیک کمپنیهلر فعالیتی توختهتیلهیاتگنیدن خبر بیردیلر.
تخار حاکمیتی سوزلاوچیسی محمدعارف عارف، بوگون (۱۶ ثور/۶ می، چهارشنبه) ایتیشیچه، بو ولایتنینگ کلفگان تومنیده جوازسیز فعالیت آلیب بارهیاتگن ۲۵ ته زرشویلیک کمپنیه فعالیتی توختهتیلگن.
اونینگ کوپهیتیریشیچه، محلی اداره باش وزیرلیک قراریگه اساسلنیب، جوازسیز کمپنیهلر فعالیتینی توختهتیش بوییچه قطعی قرار قبول قیلگن و بو جریان تخارنینگ باشقه تومنلریده هم دوام ایتهدی.
ایسلهتیب اوتهمیز، بوندن آلدین تخار ولایتی یشاوچیلری بو ولایتده آلتین کانلری ترتیبسیز و ناقانونی طرزده قزیب آلینیشی، ایکینچیلیک ییرلر، یشش محیط بوزیلیشی همده ییلاولر یوق بولیشی و حدودلرده عیاللرنینگ ایرکین باریب-کیلیشیگه توسقینلیک یرهتگنیدن شکایت قیلگن ایدیلر.
