بوگون “دوشنبه” حکومت مذاکره قیلووچی هیات عضوی محمدامین احمدی نینگ کابلده اوتکزیلگن ییغینده تینچلیک جریانیده عیاللر اورنی کم بولگنیدن خواطر بیلدیریب ایتیشیچه، حاضرگه‌قدر عیاللر حق‌لری خصوصیده مستقیم شکلده بحث صورت تاپمه‌گن.
بیراق، حکومت مذاکره قیلووچی اعضالریدن باشقه بیری فوریه کوفی نینگ ایتیشیچه، تینچلیک سوزلشوولر آجندا‌سیده عیاللر حق‌لری موضوعی اساسی و اونملی بحث‌لردن دیر، لیکن سیاسی ساختار خصوصیده کیلیشوو صورت تاپمه‌گن حالده، بوتوغریده بحث قیلیش ناتوغری دیر.
حکومت و طالبان آره‌سیده سوزلشوولر باشلنگنیدن حاضرگه‌قدر، عیاللرنینگ اورنی کم بولگنی بیرقطار خواطرلرنی اورته‌گه چیقارگن. فعال عیال‌لردن بیرقطاری نینگ ایتیش‌لریچه، عیاللرنینگ اوشبو جریانده حضوری نمایشی و سمبولیک دیر و مذکور جریانده عیاللر اورنی کینگی‌تیریلیشی کیره‌ک.
