امریکا جمهور باشلیغی دونالد ترامپنینگ ایتیشیچه، ایران بیلن مذاکرهلردهگی ترقیات و ونزویلا دهگی سونگی حرکتلردن کیین، واشینگتننینگ کیینگی نشانی کیوبا بولیشی ممکن.
ترامپنینگ ۲۷-مارچ، جمعه کونی میامی شهریده اوتکزیلگن سرمایه کیریتیش ییغیلیشیده ایتیشیچه، امریکا ایران و ونزویلا بیلن تیگیشلی سونگی اوزگریشلرده، یوتوقلرنی قولگه کیلتیرگن.
ترامپنینگ اورغولشیچه، کیوبا دولتی یامان اقتصادی وضعیتده قرار تاپیب و ثباتسیزلیک بیلن روپهره بولیشی ممکن.
امریکا سونگی هفتهلرده کیوبا رهبریتینینگ بیر قطار بولیملری بیلن مذاکرهلرنی باشلهگن. بو بیلن بیرگه، ترامپ کیوبا ده حربی امکانیتدن فایددهلنیش احتمالینی رد قیلیب و ایتیشیچه، بیر قطار شرایطده حربی کوچدن فایدهلنیش ضرور بولهدی.
شوندهی بیرحالده، کیوبا جمهور باشلیغی میگل دیاز-کانل، احتمالی توقنشوو و کیسکینلیکلر کوچهیشی آلدی آلینیشی اوچون ایکی مملکت آرهسیدهگی مذاکرهلر دوامینی تصدیقلهگن.
سونگی آیلرده کیوبا اقتصادی، نفت وارد بولیشی کمهیشی شامل بیر قطار قیینچیلیکلر بیلن روپهره بولگن. بوندن آلدین ونزویلا بو مملکت اوچون نیاز بولگن نفتنینگ بویوک قسمینی تامینلب کیلگن، بیراق کاراکاس ده سیاسی اوزگریشلر و امریکا باسیملریدن کیین، بو جریان توختهتیلگن.
