حاضرده پکتیا مرکزی گردیز شهریده سیک‌لردن یالغیز بیر عایله تیریک‌چیلیک قیله‌دی.
هندولر و سیک‌لرنینگ ایتیش‌لریچه، ییرلریدن بیرقطاری گردیز شهریده غصب ایتیلگن و یا-ده جمعیت‌لری کوپه‌یگنی سبب، موجود بولگن ییرلر ییترلی ایمس.
جگمون سینگ بشردوست نی دارو خانه‌سی بار و اهالی نینگ رفتاریدن راضی دیر. او، حکومت مسوول‌لریدن کسب و ایش‌لری رواجلنیشی خصوصیده یاردم بیریشی‌نی ایسته‌یدی.
جناب بشردوست مذهبی مراسم‌لر اوتکزیله‌دیگن مکان‌لرنینگ تخریب ایتیلیشی‌نی اساسی قیین‌چیلیکلردن عنوان قیله‌دی و حکومتدن مذکور مکان‌لرنی قیته‌دن ترمیم قیلیشی‌نی ایسته‌یدی.
اونینگ کوپه‌یتیریشیچه، ایچکی اوروش‌لردن آلدین هندو و سیک‌لردن یوزلرچه‌سی گردیز شهریده حیات کیچیره‌ریدی، لیکن حاضرده مذکور عایله‌لردن کوپ قطاری کابل، غزنی و هند گه مهاجر بولگن‌لر.
عینحالده، پکتیا ولایتی کینگش عضوی محمدالرحمان نینگ ایتیشیچه، سیک‌لر پکتیا نینگ باشقه یشاوچیلری کبی دیر و اولرنینگ قیتیب کیلیش‌لریگه زمینه یره‌تیش اوچون دولت مکلف دیر.
پکتیا حاکمی محمدحلیم فدایی نینگ ایتیشیچه، هندولر و سیک‌لر افغانستان هویتی نینگ بیر بولیمی دیر و محلی مسوول‌لر اولرگه یاردم بیریش و قیین‌چیلیکلرینی حل قیلیش اوچون تیار دیر.
پکتیا محلی اداره‌سی مسوول‌لری نینگ ایتیش‌لریچه، هندولر و سیک‌لر قیته‌دن اوشبو ولایت گه کیلگن صورتده، یاردم بیریش‌لری چیککه‌سیده اولرگه ینگی شهرچه قوریش‌لری ممکن.
