خلقارا یېتکرمهلر پاکستان محلی عملدارلریگه تیهنیب، اوشبو مملکت خیبرپشتونخواه ایالتینینگ اوزاق حدودلریده جایلشگن منطقهده پارتلشلر عاقبتیده، چمهسی ۲۴ کیشی اینیقسه عیاللر و بالهلر هلاک بولگنی حقیده خبر بیرگن.
الجزیره یېتکرمهسی، ۱-میزان، سهشنبه کونی، اوشبو پارتلشلرده ۱۴ تینچ اهالی و ۱۰ قوراللی کیشی هلاک بولگنینی معلوم قیلدی.
محلی عسکرلردن بیری ظفر خان، آسوشیتدپرس آژانسی گه ایتیشیچه، بو پارتلشلرده چمهسی ۱۰ تینچ اهالی اینیقسه عیاللر و بالهلر همده ۱۴ قوراللی کیشی جملهدن پاکستان طالبلر تحریکی (تیتیپی) ایکی قوماندانی هلاک بولگن.
محلی عملدارلردن بیری گه کوره، کورینیشیچه پارتلاوچی ماده پاکستان طالبلر تحریکی اعضالریگه علاقهدار بیر مرکزده سقلنر اېکن، دوشنبه کونی ایرتهلب خیبرپشتونخواه ایالتی «درهتیراه» حدودیده پارتلهگن.
پاکستان دولتی، بوتوغریده حلیگچه رسمی طرزده هېچ نرسه دیمهگن.
