بلخ ولایتی حج و اوقاف ریاستی مسئوللریگه کوره، شمال و شمالشرق زونی حاجیلرینینگ بیرینچی اوچیشیده، ۳۴۶ حاجی سعودی عربستان گه یوباریلگن.
اوشبو اداره باشلیغی نورآغانینگ ایتیشیچه، حاجیلرنینگ بیرینچی اوچیشی (پروازی) ۲۹ حمل/۱۸ اپریل، شنبه کونی، مزارشریف شهریده خلقارا مولانا جلالالدین محمد بلخی قونالغهسیدن عملگه آشیریلگن.
بلخ ولایتی حج و اوقاف باشلیغی، اوشبو ییل جریانیده دییرلی ۷ مینگ کیشی شمال و شمالشرق زونلریدن حج مراسمی گه اشتراک ایتیشلرینی معلوم قیلگن.
اونینگ ایتیشیچه، اوشبو حاجیلر ۱۸ اوچیشده کامایر و آریانا هوا یوللری آرقهلی سعودی عربستان گه انتقال بیریلهدی.
شو بیلن بیرگه، کامایر هوا یولی مسئوللری، سفر جریانیده حاجیلر اوچون قولیلیکلر نظرگه آلینگنیدن ایشانچ بیلدیریشهدی.
بوندن آلدین، اسلام امیرلیگی حج و اوقاف وزیرلیگی، افغانستاندن سعودی عربستان گه حاجیلرنی یوباریش جریانی باشلنگنینی ایتگن ایدی.
