خلقارا قیزیل خاچ کمیتهسی افغانستان بولیمینینگ ایتیشیچه، بو مملکت بالهلری حاضرگچه اوروشدن پارتلمهی قالگن اوق-قورالنینگ بدلینی تولهماقده.
اوشبو نهاد، مذکور موضوعنی بوگون (۳۰-حمل/۱۹-اپریل، یکشنبه)، اکس صحیفهسیده بیان قیلگن.
بوندن آلدین، افغانستان ده بیرلشگن ملتلر تشکیلاتینینگ اورینباسرلیک هیئت ادارهسی (یوناما)، بالهلر ۸۰ فایز تلفات بیلن افغانستان ده اوروش جریانیده پارتلمهی قالگن قورال-یراق پارتلشلری طفیلی اینگ کوپ قربانلرنینگ تشکیل بیریشینی معلوم قیلگن ایدی.
اوتگن قویاش آی اسلام امیرلیگی طبیعی آفتلر گه قرشی کورهش ملی ادارهسی، سونگی بیر ییلده افغانستان ده اوتگن اوروشلردن قالگن قورال-یراق پارتلشی ۱۹۳ واقعه یوز بیرگنی و اونینگ نتیجهسیده، ۸۷ کیشینینگ اولیب و ۳۳۳ کیشی یرهلنگنینی ایتگن ایدی که بو رقمدن، ۶۷.۵ فایزینی بالهلر تشکیل بیرهدی.
