جنوبی کوریا و جاپاننینگ اعلام قیلیشیچه، شمالی کوریا شرقی ساحللریده دریا تامان نیچه بالستیک راکته آتگن.
خلقارا ییتکرمهلر، شمالی کوریانینگ بوگون (۳۰-حمل/۱۹-اپریل، یکشنبه)، مذکور مملکت شرقی ساحلیده جایلشگن «سینپو» شهری یقینیدن نیچه راکته آتگنینی گزارش بیرگن.
گزارشلر اساسیده، مذکور اقدام شمالی کوریانینگ حربی صلاحیتینی کوچهیتیریش بوییچه سعیوحرکتلرینی تیزلشتیریش اوچون عملگه آشیرهیاتگن اوچیریشلردن بیری دیر.
شمالی کوریا، جاری میلادی آیده تورت بالستیک راکته تیکشیرووی و جاری ییلده ایسه ییتی تیکشیروو عملگه آشیرگن.
بو بیلن بیرگه، جنوبی کوریانینگ اعلام قیلیشیچه، شمالی کوریا آرقهلی راکتهلر آتیلیشی بیلن فوقالعاده خوفسیزلیک ییغیلیش اوتکزگن.
