عالی اوقوو وزیرلیگی نینگ ینگی قراری گه کوره، (شنبه، دوشنبه و چهارشنبه) کونلری قیز طلبه‌لر و (یکشنبه، سه‌شنبه و پنج‌شنبه) کونلری ایسه اوغیل طلبه‌لر اوچون نظر آلینگن.
کابل بیلیم یورت عملی کینگشی نینگ ایتیشیچه، مذکور طرح مملکت نینگ بوتون دولتی بیلیم یورت‌لریده اجرا بولیشی ممکن. مذکور طرح ۳_ثور اجرا بولیب و اونینگ اساسیده، ۷ درسی ساعت‌ده ۷ یا_ده ۸ کریدیت تعلیم بیریلیشی ممکن. شونینگدیک اوشبو طرح اساسیده، طلبه‌لر ایرتنگ ساعت ۸دن ۳گچه حضوری تعلیم کوریش‌لری کیره‌ک.
شونده‌ی بیرحالده، روان‌شناس‌لردن قطاری نینگ ایتیش‌لریچه، طلبه‌لر کیتمه_کیت ۷ ساعت درس اوقیش گه قادر ایمس‌لر. مملکت روان‌شناس‌لریدن بیری زهرا نینگ ایتیشیچه، درسی ساعت‌لر نینگ کوپه‌یشی بیلن طلبه‌لر زیریکه‌دی و اولر نینگ اورگنیش ظرفیتی کمه‌یپ و درس کیفیتی هم کمه‌یشی ممکن.
بیزلرنینگ فیسبوک صحیفه‌میزگه باش اورینگ!
روانشناسلر نینگ کوپه‌یتیریشلریچه، انسان میه‌سیده بیللی بیر محدوده‌سی بار که اوندن کوپ درس نی درک قیله آلمه‌یدی. اولر گه کوره، افغان طلبه‌لر تشقی مملکت‌‌لرده‌گی طلبه‌لر گه قره‌گنده فکرلری آرام ایمس و درس گه تمرکزلری یوق.
اولر گه کوره، طلبه‌لر مملکت قیین‌چیلیکلری گه علاوه، شونینگدیک اقتصادی قیین‌چیلیکلر گه هم فکر قیله‌دیلر. روانشناسلر نینگ ایتیش‌لریچه، شونده‌ی طرح نینگ اجرا قیلیش بیلن، طلبه‌لردن تحصیلی انگیزه‌لر نی آلیب و تحصیل‌لری نینگ ترک قیلیشلری گه سبب بوله‌دی.
روان‌شناس‌لردن بیری داکتر عبدالحسینی نینگ سلام‌وطندار گه ایتیشیچه: «حرمت‌لی طلبه‌لر گه ایرتنگ‌دن آخشم‌گچه درس اوقینگ‌لر و تئوری و یخشی بیرشکلده نتیجه هم بیرسین دیسه‌ک، انسان اونچه کوپ درک قیلیش گه قادر ایمس.»
شونینگدیک روان‌شناس‌لردن باشقه بیری سیدروح‌الله رضوانی نینگ سلام‌وطندار گه ایتیشیچه: «بو موضوع تحصیل نینگ بی نتیجه بولیشی گه سبب بولیشی ممکن.»
بیزلرنینگ توییترده هم تعقیب قیلینگ!
شونده‌ی بیرحالده، بیلیم یورت اوقیتووچیلردن قطاری عالی اوقوو وزیرلیگی نینگ اوشبو قراری نی ناقص دیگنلر. عالی اوقوو وزیرلیگی نینگ سابق سوزلاوچیسی و کابل بیلیم یورت نینگ سابق اوقیتووچی‌سی حامد عبیدی نینگ سلام‌وطندار گه ایتیشیچه، عالی اوقوو وزیرلیگی قراری نینگ عملی قیلینیشی، اوقیتووچیلر گه عملی تحقیق‌لر زمینه‌سیده قیین‌چیلیک یره‌تیشی ممکن.
باشقه بیر تاماندن، کابل بیلیم یورت سابق اوقیتووچیلردن باشقه بیری بیت‌الله حمیدی نینگ ایتیشیچه، اسلامی امارت بو رقم طرح بیلن طلبه‌لر یوزیگه علمی مرکزلر نینگ یاپیلیشی نی ایسته‌یدی. اونینگ کوپه‌یتیریشیچه: «اوشبو طرح نینگ کوپ تناقص‌لری بار و طلبه‌لر قیین‌چیلیکلری نینگ کوپه‌یشی گه سبب بوله‌دی. بو موضوع اوچ کون قیزلر و اوچ کون اوغیل‌لر نینگ درس اوقیشی ایمس، اصل موضوع طلبه‌لر نینگ علمی مرکزلر گه قول تاپیشلری نینگ کیسیلیشی دیر.»
ایتیلیشچه، طلبه‌لر اوشبو طرح گه قرشی عکس‌العمل کورستیب و بو طرح نینگ طلبه‌لر گه بی فایده و وقت‌لر نی بیهوده اوتکزیش دیگنلر.