بوگون کابل ده یولگه قوییلگن خبری بیر ییغین‌ده «مخلصین» نامی آستیده بیر گروه مملکت گه قیته کیلگنلریدن خبر بیرگن. مذکور گروه اعضالریدن بیر قطاری نینگ ایتیش‌لریچه، اولر نینگ سانی ۷ کیشی گه ییتیشه‌دی و اسلامی امارت‌گه تورلی مسئله‌لر خصوصیده مصلحت بیریش اوچون، مملکت گه قیته کیلگنلر.
مذکور گروه اعضالریدن بیری عبدالمتین صافی نینگ ایتیشیچه، دولت‌دارلیک، اقتصادی ایرکین‌لیک و ملی بیرلیک مسئله‌لری خصوصیده اسلامی امارت‌گه مصلحت بیریش اوچون، مملکت گه کیلگنلر.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه، مملکت گه کیلگن اوشبو گروه نینگ بوتون اعضالری، تورلی اروپالیک مملکت‌لرده تورلی زمینه‌لرده تجربه‌لری بار و اسلامی امارت گه توغری مشوره بیره‌آله‌دیلر.
اوشبو ییغین‌ده «مخلصین» گروه اعضالریدن باشقه بیری فیض‌الله جلیلی نینگ ایتیشیچه، مذکور گروه آره‌سیده ۲۰۰ متخصص بار که، بوگون کمیده اولردن ۷ ته‌سی مملکت گه قیته کیلگن و کیلهجکده بو رقم نینگ کوپه‌یشی ممکن.
شونده‌ی بیرحالده، افغان شخصیت‌لر بیلن تماس کمیسیون سوزلاوچیسی احمد‌الله وثیق نینگ ایتیشیچه، حاضرگچه مملکت نی ترک قیلگن افغان شخصیت‌لردن اونلرچه‌سی، اوشبو کمیسیون گه تماس آلیب و اولر آره‌سیده حاکم‌لر و سیاسی شخصیت‌لر شامل دیر.
بیزلرنینگ توییترده هم تعقیب قیلینگ!
اونینگ کوپه‌یتیریشیچه: «حاضرگچه اوتمیش تیزیم‌ده بویوک چوکی‌لرده ایش قیله‌دیگنلردن اونلرچه‌سی، اولر گه تماس آلگنلر و یقین کیلهجکده رسانه‌لر بیلن شریک قیله‌میز.»
«مخلصین» گروه اعضاسی مملکت‌دن تشقی گه کیتگنلردن برچه‌سیدن افغانستان گه قیته کیلیب و مملکت ترقیاتی اوچون سعی و حرکت قیلیش‌لری نی سوره‌یدیلر.
