کابل یشاوچی‌لریدن قطاری افغانی پول برابریده دالر بهاسی کونسایین یوقاری کیتیشیدن خواطر بیلدیریب و ایتیش‌لریچه، دالر بهاسی یوقاری کیتگنی اقتصادی فعالیت‌لرنی رکود بیلن روپه‌رو قیلگن.
کابل یشاوچی‌لریگه کوره، دالر بهاسی یوقاری کیتیشی بیلن شونینگدیک دستلبکی موادلر بهاسی هم یوقاری کیتگن. اولرنینگ ایتیش‌لریچه، دالر بهاسی ۹۵ افغانی گه ییتیشگن بیرحالده، اهالی نینگ هیچ قندی عایداتی منبع‌سی یوق.
کابل یشاوچی‌لری اسلامی امارت دن بازارلرده ثبات کیلیشی اوچون چیت‌ایللیک پوللرنینگ ساتیب و آلینیشی گه توسیق یره‌تیش‌لرینی سوره‌گن.
کابل شهری نینگ یشاوچی‌لریدن بیری الیاس نینگ ایتیشیچه: «افغانستان ده معامله‌لر برچه‌سی دالرگه تیگیشلی دیر و افغانستان گه مواد وارد قیله‌دیگن اهالی و سوداگرلرنینگ برچه‌سینی رکود بیلن روپه‌رو قیلگن. بیزلر بیر دالرنینگ ۹۵ افغانی گه معامله بولیشی گه شاهدمیز و بو معامله‌لرنینگ اوستیگه کوپ تأثیر قویگن. شونده‌ی بیرحالده، اهالی فقر چیزیغی آستیده دیر و قشاقلیک باعث باله‌لرینی ساتیشه‌دی. دالر نورمال بولگونگه قدر افغانستان ده بدبخت‌لیک کوپه‌یشی ممکن.»
بیزلرنینگ فیسبوک صحیفه‌میزگه باش اورینگ!
کابل یشاوچی‌لریدن باشقه بیری عزیز نینگ ایتیشیچه: «بیر یشاوچی صفتیده دالرنینگ کنترول بولیشی نی ایسته‌یمن و واردات اوچون مالیه کمه‌یشی کیره‌ک، ساتیش و آلیش اوچون دالر قوللنیلمه‌سی کیره‌ک. وارد قیله‌دیگنلر هم کنترول قیلینیشی کیره‌ک که اولرهم احتکار قیلمه‌سین. قیمت‌لر یوقاری کیتگنی نینگ بیر دلیلی احتکار دیر.»
کابل شهری نینگ ارتزاقی ماده‌لر بیرلشمه باشلیغی کمال‌فرید صافی هم دالر بهاسی یوقاری کیتیشی بیلن ماده‌لر بهاسی یوقاری کیتگنیدن خبر بیرگن. جناب صافی گه کوره، اون بهاسی ۲ مینگ و ۱۸۵ افغانی، ۱۶ لیتره یاغ ۲ مینگ و ۵۹۰ افغانی و بیر بوجی برنج ایسه ۲ مینگ و ۱۰۰ افغانی گه ییتیشگن.
باشقه بیر تاماندن صرافلر بیرلشمه‌سی نینگ اورین باسری حاجی دادگل، افغانستان پوللری آمریکا آرقه‌لی بلاک بولگنی و مملکت بازارلریده دالر کم‌لیگی افغانی پول برابریده دالر بهاسی نینگ یوقاری کیتیشی گه سبب بولگن دیدی.
مملکت بازارلریده افغانی پول بهاسی یوقاری کیتیشی توغریسیده مرکزی بانک نینگ نیمه برنامه‌سی بارلیگی نی سورماق ایسته‌دیک، بیراق موفق بولمه‌دیک.
