مملکت بوییچه قیزلر نینگ مکتبی آچیلیشی اوچون آی‌لر کوتیشدن کیین، اسلامی امارت معارف وزیرلیگی، ۶-صنف‌دن یوقاری قیز اوقووچیلری مکتب باره آلمسلیگینی اعلام قیلدی.
معارف وزیرلیگی نینگ اوشبو قراری کابل و قطار ولایت‌لرده اوقووچیلر نینگ جدی تنقید‌لری بیلن روپه‌رو بولگن. اوقووچیلردن قطاری معارف وزیرلیگی نینگ ینگی قراری نی ناقانونی دیب ایتیش‌لریچه، اسلامی امارت بهانه طلب‌لیک و ناتوغری پالیسی‌لرینی نهادینه قیلیش اوچون تلاش قیلماقده‌لر.
کابل‌ده اوقووچیلردن بیری طنین نینگ ایتیشیچه: «برچه اوقووچیلر کیلگن‌لر، بیراق اولر نینگ کون ایرته درس اوقیش‌لری معلوم ایمس. بیزنی حیاتیمیز بیلن اوینه‌لماقده. اولر اول مکتب کیلیب بیله سیزلر دیب ایتدیلر، بیراق کیلدیک حاضر ۷-صنف‌دن ۱۲- صنف اوقووچیلری گه اجازه ایمس دیدیلر. بو قیسی قانون‌ده دیر.»
بیزلرنینگ فیسبوک صحیفه‌میزگه باش اورینگ!
شونینگدیک فاریاب و لوگر ولایت‌لریده‌گی اوقووچیلر ۶-صنف‌دن یوقاری قیز اوقووچیلر نینگ مکتب باره‌آلمسلیکلری خصوصیده اسلامی امارت وزیرلیگی نینگ قراری‌دن تنقید قیلیب، بو توغریده فکری نی تغییر بیریشینی سوره‌گنلر.
اوقووچیلر یانیده، شونینگدیک اوقیتووچر هم مکتب‌لر و اوقووچیلر نینگ حاضرگی وضعیتی‌دن خواطر بیلدیریب ایتیش‌لریچه، اسلامی امارت اوز تعلیمی پالیسی‌سی نی دقیق بیان قیلیب و بوتون اوقووچیلر گه تعلیم اوچون رخصت بیریشی کیره‌ک.
شونده‌ی بیرحالده، اسلامی امارت معارف وزیرلیگی نینگ اورغولشیچه، قیزلر نینگ کییم‌لری افغانی رسم و رواج و مدنیت گه مطابق بولمه‌گن صورت‌ده، مکتب‌لر نینگ آچیلمه‌یشی ممکن. معارف وزیرلیگی سوزلاوچیسی عزیز‌احمد ریان نینگ ایتیشیچه، ۶-صنف‌دن یوقاری قیز اوقووچیلر نینگ مکتب گه باره‌آلمه‌یشلری نینگ قراری اسلامی امارت ییریک رسمی‌لری تامانیدن آلینگن و کیله‌سی امرگچه عملی بوله‌دی.
۶-صنف‌دن یوقاری قیز اوقووچیلر نینگ مکتب گه باریش اوچون اجازه بیریلمه‌گنی، مملکت گه علاوه خلق‌ارا عکس‌العمل‌لر و اجتماعی ترماق ایشلاوچیلری نینگ تنقید‌لری بیلن روپه‌رو بولگن.
مملکت سابق جمهور رئیسی حامد کرزی نینگ توییتر صحیفه‌سیده یازیشیچه، اسلامی امارت افغانستان تعلیم، تربیه‌دن محروم قالیب و باشقه‌لر گه محتاج قالیشنی ایسته‌گن یاولر نینگ ریجه‌لری، عملی بولمسلیگی نی سوره‌گن.
شونینگدیک بیرلشگن ملت‌لر تشکیلاتی نینگ اورین‌باسرلیک هیأت دفتری یا-ده یوناما اسلامی امارت نینگ قراری اساسیده تاسف بیلدیرگن.
شونده‌ی بیرحالده، خلق‌ارا کیچیریم تشکیلاتی معارف وزیرلیگی نینگ قراری‌دن خواطر بیلدیریب ایتیشیچه، دنیا جماعه‌سی افغانستان‌ده قیز اوقووچیلر نینگ تعلیم زمینه‌سی اوچون عاجل اقدام‌لر نی انجام بیریش‌لری کیره‌ک.
بیزلرنینگ توییترده هم تعقیب قیلینگ!
افغانستان‌ده آمریکا ایلچیخانه‌سی نینگ سرپرستی یان مک‌کری بو قرار نی نا امیدلیک عنوان قیلگن و بشر حقوقینی کوزه‌تیش تشکیلاتی نینگ خاتین قیزلر بولیمی مدیری نینگ اورین باسری هیدربار، بو ایشنی ظالملیک دیگن.
ایتیش کیره‌ک که، اسلامی امارت نینگ قدرت گه ایریشگنیدن کیین، ۶-صنف‌دن یوقاری قیز اوقووچیلر گه مکتب باریش اوچون رخصت بیریلمه‌گن. اسلامی امارت وزیرلیگی اوتگن کون مملکت بوییچه قیزلر و ایرککلر یوزیگه مکتب‌لر نینگ آچیلیشی نی ایتگن ایدی.