چیچنستان جمهور باشلیغی رمضان قدیروف، اسرائیل بیلن اوروشه‌یاتگن فلسطین دن اوز حمایتینی بیلدیرگن.
رمضان قدیروف، دوشنبه کونی، ۱۷ میزان/ ۹ اکتوبر، اوز تلگرامی ده، اسرائیل بیلن اوروشه‌یاتگن فلسطین دن حمایت قیلیب و اوشبو مملکت گه حربی کوچلرینی یوباریش گه تیارلیگینی معلوم قیلگن.
بیزلرنینگ فیسبوک صحیفه‌میزگه باش اورینگ!
چیچنستان دولت لیدری قدیروف، دنیا همجمعیت دن فلسطین وضعیتی خصوصیده عادلانه قرار آلیشینی سوره‌گن.
او نینگ کوپه‌یتیریشیچه: «مین دنیا همجمعیت دن فلسطین وضعیتی خصوصیده عادلانه قرار آلیشینی ایسته‌ی من. مسلمان مملکت‌لر نینگ رهبرلریدن هم ائتلاف تشکیل قیلیب، اروپا و غرب یا دوست بیله‌دیگنلرینگیز دن تینچ اهالی نی نشانگه آلمسلیک نی ایتیش‌لرینگیزنی ایسته‌ی من.»
چیچنستان حربی کوچلری، «صلح حافظ‌لری» اوله‌راق، نظم برقرار ایتیلیشی و هر قنده‌ی زوروانلیککه قرشی کوره‌ش اوچون تیارلیگینی ایتگن، رمضان قدیروف.
بیزلرنینگ «ایکس» ترماغی ده هم تعقیب قیلینگ!
او، اوروش یکونی گه طرفدار ایکنینی بیلدیرگن.
ایتیش کیره‌ک که، اوشبو هفته شنبه کونی، ۷ اکتوبر، حماس گروهی اسرائیل گه قرشی حربی هجوم نی باشلب و اوشبو اوروش طفیلی فلسطین تامانیدن حاضرگچه تینچ اهالی شامل ۷۰۴ کیشی قربان بولیب و ایکی مینگ ۷۵۰ کیشی یره‌لنگن و اسرائیل تامانیدن حاضرگچه ۹۰۰ دن آرتیق کیشی هلاک بولیب و باشقه ایکی مینگ ۳۰۰ کیشی یره‌لنگن.
