قندوز ده موسومی اوتلاق‌لر کوپه‌یشی، اوشبو ولایتده چاره‌وه‌چیلیک و سوتلی حیوان‌لر نینگ اسره‌ش کونسه‌یین کوپه‌یماقده دیر.
اوشبو ولایت نینگ تومن‌لریده چاروه سقله‌یدیگن چاروه‌دارلر، بازار گه سوت و قتیق عرضه قیلیش بیلن یخشی درآمد قولگه کیلتیره‌دیلر.
قندوز ده لبنیات ایشخانه مسئوللر‌یدن بیری گلاب‌الدین نینگ ایتیشیچه، اوتمیش ییل‌لر گه قره‌گنده، ایشلری یخشی بولگن دیر.
بیزلرنینگ توییترده هم تعقیب قیلینگ!
اونینگ کوپه‌یتیریشیچه، ایش‌خانه‌لری بوگون‌کی سیستم‌لر گه ماس دیر و اولر نینگ تولید‌لری بیر ییل‌دن بیری یخشی بازاری بار.
قندوز ده لبنیات بیرلشمه عضوی امید حمیدی نینگ ایتیشیچه، اوشبو بیرلشمه نینگ ایجادی بیلن آز بیر مدت‌ده یخشی و معیاری محصول‌لر نی تولید و بازار گه عرضه قیله‌آلگنلر.
جناب حمیدی نینگ کوپه‌یتیریشیچه، اولر مدرن ماشین‌لر نی ایش‌خانه‌لری گه نصب قیلگنلر و یقین کیله‌جک‌ده لبنیات ایشلب چیقاریلیشی یانیده، تورلی جوس بیلن معدنی سوو هم تولید قیلیش‌لری ممکن.
جناب حمیدی گه کوره، اوشبو ولایت لبنیات بیرلشمه‌سی‌ده قریب ۲۰ کیشی ایش گه مصروف دیر و بو یول‌دن عایله خره‌جتلری نی تامین قیله‌دیلر.
شونده‌ی بیرحالده، قندوز یشاوچیلری وطنی لبنیات ایشلب چیقاریلیشی و قوللنیلشی‌دن خورسند‌لیک بیلدیرگنلر.
قندوز یشاوچیلریدن عظیم‌الله نینگ ایشانچی گه کوره، وطنی تولید‌لر، پاک و تازه دیر و اولر نینگ تولید‌لریدن حمایت بولگنی صورت‌ده وطنی لبنیات بازاری کوپراق ترقی قیلیشی ممکن.
بیزلرنینگ فیسبوک صحیفه‌میزگه باش اورینگ!
قندوز ایکینچی‌لیک، چاروه‌چیلیک و سووغاریش ریاست آمری نجیب‌الله حسن نینگ ایتیشیچه، حاضر ایسه قندوز شهریده ۱۵دن آرتیق طبیعی لبنیات تولید قیله‌دیگن ایشخانه نینگ فعالیتی بار و کونده ۶ مینگ لیتر سوت پروسس قیله‌دی.
شونده‌ی بیرحالده، قندوز چاروه‌چیلیک و حیوانی آمریت مسئوللری، مذکور ولایت یشاوچیلریدن اولدیره‌دیگن کسللیکلر برابریده چاروه‌لری نی واکسین قیلیب و اوشبو کسللیکلر نی جدی آلیشی‌لری نی ایسته‌گن.
