اسلام امیرلیگی قاچقینلر وزیرلیگینینگ ایتیشیچه، جاری قویاش ییل باشلنگنیدن حاضرگچه، ایران، پاکستان و تورکیه دن ۱۱۱ مینگ ۳۲۴ افغانستانلیک مملکت گه قیتگن.
مذکور وزیرلیک سوزلاوچیسی عبدالمطلب حقانینینگ ایتیشیچه، جاری آیده اینگ کوپ قیتگنلر ایران و پاکستان دن بولیب، اولر اوشبو ایکی مملکت بیلن چیگره قتناو یوللری آرقهلی افغانستان گه کیلگنلر. «پاکستان دن ۱۳ مینگ ۸۳۴ عایله، ایران دن ۸۲۳ عایله و تورکیه دن ۱۹ عایله قیتگن که توپلم ۷۹ مینگ ۲۹ کیشی بولهدی؛ بونگه علاوه توی قیلمهگن ۳۲۲۹۵ کیشی هم بو مملکتلردن قیتگن.»
باشقه بیرتاماندن، پاکستان دن قیتگنلردن قطارینینگ ایتیشلریچه، میزبان مملکت آرقهلی ناتوغری یاندهشوولردن کیین افغانستان گه قیتگنلر.
پاکستان دن ۲۸ ییل حیات کیچیریشدن کیین مملکت گه قیتگن لغمان یشاوچیسی جمیلنینگ ایتیشیچه، مذکور مملکتده افغانستانلیک قاچقینلر برابریده باسیملر کوپهیگنی سبب، قیتگن. اونینگ کوپهیتیریشیچه: «پاکستان پولیسی آرقهلی کیچهوکوندوز اذیت بولهر ایدیک و اولکه گه قیتیشگه مجبور بولدیک؛ ولایتیمیزده حکومت بیزلرگه ییر بیردی، بیراق اوی قوریشگه امکانیتیمیز یوق.»
نیچه هفته آلدین پاکستان دن قیتگن لغمان یشاوچیلریدن باشقه بیری واحداللهنینگ ایتیشیچه: «او ییرده بیزلرگه کوپ ظلم بولدی؛ حکومت و یاردم بیرووچی موسسهلر بیزلرگه یاردم بیردی و بو یادرملرنینگ دوام قیلیشیگه امیدوارمیز.»
لوگر یشاوچیسی آدمخاننینگ ایتیشیچه، بیر آی آلدین پاکستان پولیسی آرقهلی اذیت بولگنیدن کیین افغانستان گه قیتگن. «پاکستان پولیسی رمضان آییده بیرزلرنی کوپ اذیت قیلدی و بیزلرنی حبس گه تشلهر ایدیلر؛ خوشبختانه حاضر مملکتیمیزگه کیلدیک.»
مملکت گه قیتگن اوشبو کیشیلر، اسلام امیرلیگی و یاردم بیرووچی نهادلردن ایش، باشپنهدن فایدهلنیش و بالهلریگه تعلیم زمینهسی یرهتیلیشینی سورهگنلر.
قاچقینلر وزیرلیگینینگ معلوماتی اساسیده، اوتگن تورت ییلدن کوپراق مدتده، قوشنی مملکتلردن قریب بیر میلیون کیشی افغانستان گه قیتگن.
