اوزبیکستانده خلقارا صناعت کورگزمهسی دایرهسیده، افغاستان صناعت و سودا وزیری نورالدین عزیزی، اوزبیکستان صناعت و سودا وزیری لذیز قدرتاوف همده قرغیزستان اقتصاد و سودا وزیرلیگی معینی اسکندر ایسنگلدیویچ آسیلکولوف بیلن اوچرهشگن.
اسلام امیرلیگی صناعت و سودا وزیرلیگی بوگون (۱ ثور/۲۱ اپریل، سهشنبه)، ایکس صحیفهسیده بیر بیانیه ترقهتیب، اوشبو اوچ تامانلمه اوچرهشوده ترانزیت، سوداگرلیک اینیقسه افغانستاننینگ اوزبیکستان و قرغیزستان گه صادر قیلینهیاتگن توارلریگه آسانلیک کیلتیریش و افغانستاننینگ خلقارا صناعت کورگزمهسیده اعضا بولیش مسئلهلری بحث گه آلینگنینی بیلدیرگن.
بیانیه گه کوره، خلقارا صناعت کورگزمهسی اورته آسیا مملکتلری، روسیه و بلاروس اعضالیگی بیلن اوتکزیلهدی و افغانستان اوشبو خلقارا کورگزمه گه اعضا بولیشی بیلن، مملکت صناعتی شرکتلری اعضا بولیش امتیازیدن فایدهلنیب و بو کورگزمهده محصولاتلرینی کورسهتووگه قوییب بیلهدیلر.
اسلام امیرلیگی صناعت و سودا وزیری نورالدین عزیزی، خلقارا صناعت کورگزمهسیگه اشتراک ایتیش مقصد اوتگن کون اوزبیکستان گه جونب کیتگن ایدی.
