قندوز ده ایکینچیلر نینگ ایتیشلریچه، بو ییل مذکور ولایت‌ده ترووز حاصلاتی نظیری کوریلمه‌گن درجه‌ده کوپه‌یگن؛ بیراق بازار یوق‌لیگی و ترووز قیمتی کمه‌یگنی سبب، زیان کورگنلر.
قندوز ده‌گی ایکینچی‌لردن فضل‌الحق نینگ ایتیشیچه، بو ییل بیر جریب ییر‌دن ۱۵ سیر ترووز قولگه کیلتیرگن؛ بیراق مذکور ترووزلر نینگ ساتیلمه‌گنی سبب، زیان کورگن. اونگه کوره، قندوز ایکینچی‌لیک، چاروه‌چیلیک و سووغاریش ریاستی، بو توغریده ایکینچیلر بیلن هیچ قنده‌ی همکارلیک قیلمه‌گن.
اونینگ کوپه‌یتیریشیچه: «بیر جریب ییر صرف-خره‌جتی سکیز مینگ افغانی بولدی. دهقان اوز خرچی نی تاپه آلمه‌یدی. بازار گه عمده ساته‌میز. ۱۰ مینگ یا-ده ۱۱ مینگ ساته‌میز که، اوچ مینگ موتر کرایه‌سی، ۴۰۰ کپه‌والا و ۵۰۰ عُشر آله‌دی. بیر سیری نی توشینگنی‌میز پیتده، ۲۰ افغانی هم بولمه‌یدی.»
بیزلرنینگ توییترده هم تعقیب قیلینگ!
قندوز ده ایکینچی‌لیک ایشلری بوییچه ایش بیلرمانی صلاح‌الدین واحدی، بیراق ترووز حاصلاتی کوده‌یگنی و اونینگ بهاسی گه اشاره‌لب ایتیشیچه، گرچند ترووز حاصلاتی نینگ توپلنیشی و بازار گه انتقال بیریلیشی خصوصیده، ایکینچیلر گه معلومات بیریلمه‌گن؛ لیکن «جاری ییل‌ده ترووز ایکیلگن ساحه، قریب تورت مینگ سکیز یوز ۶۱ هکتار ییر بوله‌دی که، قریب بیر یوز و ۳۷ مینگ ۳۹۲ تُن ترووز حاصلی پیش‌بین‌لیک بولگن.»
شونینگدیک قندوز ده ترووز ساتیب آله‌دیگنلردن بیری منصور نینگ ایتیشیچه، اوتگن ییل‌لرده، ۷ کیلوگرام ترووز نی آز بها بیلن ساتیب آله‌ر ایکن؛ بیراق اونگه کوره، سونگی کون‌لر اوشبو ولایت‌ده ترووز حاصلاتی نی قولگه آلینیشی بیلن، اونینگ بهاسی هم کوپه‌یگن. اونینگ کوپه‌یتیریشیچه: «ترووز تاپیلمه‌یدی. تاپیلگنی صورت‌ده، قیمتی یوقاری دیر. بیر سیری ۸۰-۸۵ افغانی دیر. اوتگن کون‌لر کوپ یوقاری ایدی و دهقان‌لر هم ارزان ساته‌ر ایدیلرو ۶۰-۶۵ افغانی ساتیب آله‌ر ایدیک.»
قندوز ده ترووز سوداگرلری نینگ ایتیشلریچه، بو ییل مذکور میوه حاصلاتی اوتگن ییل گه نسبت، کوپه‌یگن و شونینگدیک باغ‌دارلر ایشی هم یخشی بولگن.
ترووز سوداگرلریدن عبداللطیف نینگ ایتیشیچه، ترووز حاصلاتی نینگ توپلنیش زمانی نینگ یکونلنیشی بیلن، حاضر ایسه اونینگ بهاسی هم یوقاری کیتگن. اونینگ کوپه‌یتیریشیچه: «بازار‌دن ترووز ساتیب آلمه‌یمیز، چونکه بیرته‌سی کیچیک و بیرته‌سی بویوک دیر و کوپ زیان کوره‌میز. ییر‌لر اوستیده ایسته‌گنی‌میز ترووز نی ساتیب آله‌میز. بو ییل پاکستان گه هم ترووز صادر قیلدیک و یخشی بازاری بار ایدی.»
بیزلرنینگ فیسبوک صحیفه‌میزگه باش اورینگ!
قندوز ایکینچیلک، سووغاریش و چاروه‌چیلیک ریاستی سرپرستی عبدالغفار صدیقی نینگ سلام‌وطندار گه ایتیشیچه، بو ییل مذکور ولایت‌ده ترووز حاصلاتی، اوتگن ییل گه نسبت ۲۰-۲۵ فایز‌دن کوپه‌یگن و اولر ایکینچیلر گه کوپراق آسایشته‌لیک تامین‌لنیشی خصوصیده سعی و حرکت قیلماقده‌لر.
اونینگ کوپه‌یتیریشیچه: «ایکینچی‌لیک ریاستی، اوروغ‌لر ترقه‌تیلیشی، ینگی سیستم نی تانیشتیریش و ترووز ایکیلیشی نینگ تخنیکی کورستمه و آفت‌لر گه قرشی کوره‌ش کبی آسایشته‌لیک‌لری نی دهقان‌لر گه تامین قیلگنلر. ینه هم کیله‌جک‌ده یخشی عاید قولگه کیلتیریش‌لری اوچون، دهقان‌لر گه تعلیمی سیمینارلر نی یولگه قوییش نی ایسته‌یمیز.»
قندوز مملکت نینگ زراعتچی‌لیک ولایت‌لریدن حساب‌لنه‌دی که، ترووز و قاوون محصولاتی اوشبو ولایت نینگ حاصل بیره‌دیگن ییرلریده، باشقه ولایت‌لر گه نسبت کوپ حاصل بیره‌دی.
