اسلام امیرلیگی حاکمیتیده افغانستان بویلب آلتینچی صنف‌دن یوقاری قیز اوقووچیلر یوزی گه مکتب‌لر آچیلمه‌گن بیرحالده، بوگون (پنجشنبه، ۲-حمل) مکتب اوقووچیلری، ینگی اوقوو ییل‌نی باشله‌گنلر.
شو بیلن بیرگه، ینگی‌لیکده خلق‌ارا کېچیریم تشکیلاتی و افغانستانده بیرلشگن ملتلر تشکیلاتی نینگ نماینده‌لیگی (یوناما)، ېنه بیر بار اسلام امیرلیگی‌دن آلتینچی صنف‌دن یوقاری قیز اوقووچیلر یوزی گه مکتب‌لر ایشیگی آچیلیشینی سۉره‌گنلر.
خلق‌ارا کېچیریم تشکیلاتی، افغانستانده ینگی اوقوو ییل قیزلر نینگ حضورسیزلیگی‌ده باشلنیشی مناسبتی بیلن بیر بیانیه ترقه‌تیب، قیزلر نینگ اوقیش دن محروم قیلیش «بی‌معنا» دیگن.
بیزلرنینگ فیسبوک صحیفه‌میزگه باش اورینگ!
شونینگدیک یوناما، افغانستانده قیز اوقووچیلر مکتب‌دن محروم اېتیلگن‌لریدن ۹۰۰ کون اوتیشی گه اشاره قیلیب بو چېکلاولرنی افغانستان نینگ کېله‌جگی گه ضرر یېتکیزیشی‌دن آگاه‌لنتیرگن.
یوناما نینگ بیانیه‌سیده کېلیشیچه: «یوناما حاکم رسمی‌لردن، بو زیان‌لی چېکلاولر بیکار قیلینیشینی اېسته‌یدی. بیلیم برچه اوچون، صلح و تینچ‌لیک اوچون ضروری دیر.»
افغانستانده قریب اوچ ییل‌دن بېری آلتینچی صنف‌دن یوقاری قیز اوقووچیلر مکتب باریش‌دن محروم دیر بیراق اسلام امیرلیگی بو چېکلاولر بیکار قیلینیش اېستک‌لر گه هېچ اعتبار بیرمه‌گن.
بیزلرنینگ «ایکس» ترماغی ده هم تعقیب قیلینگ!
عیال حقوقی فعاللری، اسلام امیرلیگی قیزلر نینگ تعلیمی گه دایر دنیا همجمعیت نینگ اېستک‌لری گه اعتبار بیرمسلیک اوچون امیدسیز بولگنلرینی اېته‌دیلر.
اسلام امیرلیگی بوندن آلدین قیزلر نینگ مکتب گه باریشی اوچون ریجه اوستیگه ایش آلیب باریله‌یاتگنینی اېتگن اېدی، بیراق بو ریجه قنده‌ی‌لیگی حقیده ایضاح کېریتیلمسلیگی اېریم خواطرلر گه سبب بولگن.
ایتیش کېره‌ک آلتینچی صنف‌دن یوقاری قیز اوقووچیلر یوزی گه مکتب ایشیگی یاپیلیشی بیلن، ایکّی ییل‌دن بېری قیز طلبه‌لر یوزی گه بیلیم یورت‌لر ایشیگی یاپیلگن.
قیزلر نینگ تعلیمی گه دایر اسلام امیرلیگی نینگ فکر-ملاحظه‌سینی اۉرگه‌نیش اوچون تلاش قیلدیک؛ لېکن اسلام امیرلیگی سۉزلاوچیسی سلام‌وطندار نینگ سوال‌لری گه جواب قیترمه‌دی.
