پکتیکا مرکزی شرنه شهری نینگ یشاوچیلریدن قطاری، مذکور ولایت مرکزی‌ده برق یوقلیگی‌دن شکایت قیلیب و ایتیش‌لریچه، حاضرگچه هیچ قنده‌ی دولتی برق گه قول تاپه آلمه‌گنلر.
اولر نینگ کوپه‌یتیریش‌لریچه، برق یوقلیگی سبب صناعت و سوداگرلیک ایشلری توخته‌ماقده دیر و دولتی اداره‌لر و کسل‌خانه‌لردن قطاری وقتی‌ده خذمت‌لر ارائه قیله آلمه‌یشلری سبب، اهالی کوپینچه قیین‌چیلیک بیلن روپه‌ره بولگن.
شرنه شهری یشاوچیلری نینگ ایتیش‌لریچه، برق خصوصیده‌گی قیین‌چیلیک‌لر نینگ حل بولگنی صورت‌ده، سوداگرلر اوشبو ولایت‌ده کیچیک و بویوک ایش‌خانه‌لر نینگ ایجاد قیلیش خصوصیده تیارلر که بو طریق اهالی گه هم ایش زمینه‌سی فراهم بولیشی ممکن.
بیزلرنینگ فیسبوک صحیفه‌میزگه باش اورینگ!
شرنه شهری یشاوچیلریدن احسان‌الله نینگ ایتیشیچه: «اینگ بویوک قیین‌چیلیک‌لریمیزدن بیری برق یوقلیگی دیر که حاضرگچه هیچ بیر ایش‌خانه بو ییرده ایجاد بولمه‌گن دیر. برق بولگنی صورت‌ده، سوداگرلردن قطاری بو ییرده سرمایه یاتقیزیشلری ممکن.»
شونینگدیک یشاوچیلردن باشقه بیری سمون نینگ ایتیشیچه: «کسبه‌کارلر، یشاوچیلر و اهالی‌دن برچه‌سی برق یوقلیگی سبب، بویوک قیین‌چیلیککه روپه‌ره بولگنلر. انه‌شوو رقم دولتی اداره‌لر، کسل‌خانه‌لر و بیلیم یورت‌لر برق یوقلیگی سبب، بویوک قیین‌چیلیککه دوچ کیلگنلر.»
شرنه شهریده قهوه‌خانه ایگه‌سی نبی همدرد نینگ ایتیشیچه، شرنه شهریده دولتی برق یوق و یالغیز خصوصی بیر شرکت سولری برق ارائه قیله‌دی که اونینگ هر یونتی ۶۰ افغانی دیر که بو رقم دولتی برق بهاسی‌دن ۹ برابر دیر.
بیزلرنینگ توییترده هم تعقیب قیلینگ!
پکتیکا برق آمری محمد ایوب اوشبو قیین‌چیلیک نی قبول قیلیب و ایتیشیچه، اوشبو ولایت‌ده حاضرگچه دولتی برق یوق و انه شوو سبب، سوداگرلر و اهالی قیین‌چیلیک بیلن روپه‌ره بولگن.
اونگه کوره، اهالی گه برق نینگ ارزان‌راق توشیب و اولر نینگ قیین‌چیلیکلریدن بیر آزی نینگ حل بولیشی اوچون بیر آیگچه جنراتوری برق سیستم‌لری نی شرنه شهریده ایجاد قیله‌دیلر.
مملکت جنوب‌شرق اداره مسئوللری گه کوره، پکتیکا ولایتی گه وارداتی برق ارایه قیلیش اوچون برشنا شرکتی نینگ مسئوللری بیلن صحبت قیلگنلر و وارداتی برق ارایه قیلیش اوچون ابتدایی ایشلر نی تیزلیککه باشله‌یشلری ممکن.
