هلمند ساغلیق‌نی سقلش مسئول‌لری، اوشبو ولایتده کرونا ویروس گه چلینگن‌لر سانی کوپهیشیدن خواطر بیلدیرماقده‌لر. هلمند کووید۱۹ کسلخانه باشلیغی دکتر احمدخان نینگ ایتیشیچه، سونگی کون‌لرده هلمند ولایتی بویلب کرونا ویروس مثبت واقعه‌لری ۵۰ فایز کوپه‌یگن.
اونگه کوره، یالغیز اوتگن قویاش ییل‌ده هلمند ولایتیده ۲ مینگ ۷۲۹ کرونا ویروس مثبت واقعه‌لری رویخط گه آلینگن و اولر ارا ۱۱۸ته‌سی جان بیرگن‌لر. هلمند کووید ۱۹ کسلخانه مسئولی نینگ کوپه‌یتیریشیچه، اوشبو ویروس‌نی آلدینی آلیش اوچون تلاش قیلماقده‌لر، شونی اوچون مذکور ولایت مرکزی لشکرگاه شهری و برچه تومن‌لریده سیار تیم‌لر فعالیت قیله‌دیلر.
بیزلرنینگ فیسبوک صحیفه‌میزگه باش اورینگ!
دکتر احمدخان نینگ ایتیشیچه: «کرونا ویروس مثبت واقعه‌لری اوتمیش گه نسبتن ۵۰ فایز کوپه‌یگن و سببی هم اهالی نینگ بی فرق لیگی دیر. کرونا ویروس‌نی آلدینی آلیش اوچون، تیم‌لر فعالیت قیلماقده و یشاوچیلردن، اوشبو ویروس‌نی جدی آلیشلرینی سوره‌یمیز.»
هلمند ساغلیق‌نی سقلش مسئول‌لری مذکور ولایت یشاوچیلریدن، کووید ۱۹ ویروس‌نی آلدینی آلیش اوچون، طبی توصیه‌لر گه عمل قیلیش‌لرینی طلب قیله‌دیلر.
عین‌حالده، هلمند یشاوچیلریدن قطاری، اوشبو ولایت بویلب کرونا ویروس مثبت واقعه‌لری آشیشیدن خواطر بیلدیریب ایتیشلریچه، ساغلیک نهادلر، مذکور ویروس ترقه‌لمسلیگی اوچون، بو ویروس گه قرشی ایملش جریانینی کینگه‌یتیریش‌لری کیره‌ک.
بیزلرنینگ توییترده هم تعقیب قیلینگ!
هلمند یشاوچیلریدن محمدیوسف گه کوره: «کرونا ویروس کوپهیشیدن خواطرده میز. کرونا خوفلی ویروس دیر. حکومت قیشلاق اهالیسینی واکسین قیلیشی کیره‌ک؛ چونکه اوییرلرده کرونا ویروس مثبت واقعه‌لری کوپ و اهالی واکسین بولمه‌یدی.»
هلمند یشاوچیلریدن باشقه بیری محمدسلیم نینگ ایتیشیچه: «بیز کرونا حقیده هیچ نرسه بیلمه‌ی میز، اوشبو ویروس خوفلی بولیشی خصوصیده اهالی آگاه‌لنتیریلیشی کیره‌ک.» هلمند یشاوچیلری اوشبو ولایت ساغلیق‌نی سقلش مسئول‌لریدن، کرونا ویروس‌نی آلدینی آلیش اوچون، اهالی گه آگاهی‌لیک بیریش دستورلرینی کوپه‌یتیریشلرینی طلب قیله‌دیلر.
