ساغلیق‌نی سقلش وزیرلیگی نینگ مسئول‌لری مملکت بویلب کرونا ویروس مثبت واقعه‌لری کوپه‌یشیدن خبر بیره‌دیلر. ساغلیق‌نی سقلش وزیرلیگی نینگ سوزلاوچیسی جاوید هژیر سلام وطندارگه ایتیشیچه، اوتکن ایکی هفته‌ده کرونا ویروس‌نی یوقتیرگن سانی کوپه‌یگن.
لیکن اوتکن کونی مملکت بویلب ایکی مینگ ۸۰۰ کیشی‌دن آلینگن طبی تیکشیرودن ۴۲۹ کیشی نینگ نتیجه‌سی مثبت قیدایتیلگن، بو رقم اوتکن کون‌لرگه نسبتن کرونا ویروس بیمارلری آشیشی‌نی کورسته‌دی.
ساغلیق‌نی سقلش وزیرلیگی نینگ معلوماتی اساسیده، ۴۲۹ مثبت واقعه‌دن ۱۹۵ واقعه کابل ده، ۹۹ واقعه ننگرهار، ۲۰ واقعه قندهارده، ۵ واقعه بلخ ده، ۷ واقعه هلمند، ۳۸ واقعه میدان وردک، ۱۰ واقعه پروان ده، ۱۰ واقعه کنرده، ۱۵ واقعه لغمان‌ده، ۱۵واقعه پنجشیر و ۶ واقعه خوست ولایتیده رویخط که آلینگن، شونینگدیک اوشبو ویروس گه چلینگن لردن تورت کیشی جان بیرگن.
بیزلرنینگ فیسبوک صحیفه‌میزگه باش اورینگ!
جناب هژیر اومیکرون تشخیصی کیتی خصوصیده ایتیشیچه، خلق‌ارا ساغلیق‌نی سقلش تشکیلاتی نینگ وعده لری بیلن، اوشبو کیت حاضرگچه ساغلیق‌نی سقلش وزیرلیگی‌گه بیریلمه‌گن.
دارو-دوا تنقیص لیگی، اولکه فقرالری نینگ قیینیچلیکلریدن سنله‌دی. ساغلیق‌نی سقلش وزیرلیگی نینگ سوزلاوچیسی بوتوغریده ایتیشیچه، دارو قیینچیلیگی ییترلیچه حل بولگن.
جناب هژیرنینگ ایتیشیچه، کرونا بیمارلرینی دارو-دوالش بوییچه مملکت نینگ ۳۴ ولایتیده فعالیت آلیب باره یاتکن ۳۸ کسلخانه‌دن یالغیز بیش کسلخانه‌گه مالیه‌وی حامی تاپکن.
بیزلرنینگ توییترده هم تعقیب قیلینگ!
افغان-جاپان کسلخانه باش شفاکاری طارق اکبری نینگ ایتیشیچه: «حاضر افغان-جاپان کسلخانه‌سی و باشقه ولایت لر کسلخانه لری‌ده کروناگه چلینگنلر کوپه‌یماقده، سونگی ایکی هفته‌ده کووید۱۹ نی یوقتیرگن‌لر سانی کوپه‌ییشیگه گواه میز و کونسه‌یین اوشبو ویروس‌نی یوقتیرگن ۳۰-۳۵ کیشی کسلخانه‌گه مراجعت قیله‌دیلر.»
عین حالده ساغلیق‌نی سقلش وزیرلیگی مملکت بویلب کرونا ویروس بیمارلری آشیشیدن خبر بیره‌دی‌که سابق حکومت قوللشی بیلن افغانستان نینگ ساغلیک تیزیمی جدی کیسکین لیکلرگه دوچ بولگن و باشقه تاماندن اولکه یشاوچیلری ساغلیک موردلرنی رعایت قیلمه‌یدیلر.
