ایچکی ایشلر وزیرلیگی اوتگن کیچه (جمعه، ۱۵ میزان) مذکور وزیرلیک نینگ پاسپورت عمومی ریاستی اطلاعیه‌سینی ترقه‌تیش بیلن ایتیشیچه، اوشبو ریاست مراجعتچیلر نینگ ایشلرینی قولی‌لشتیریش و ایش جریانینی تیزلشتریش اوچون، مذکور اداره نینگ فنی و اوسکونه‌لری سیستمیده مثبت اوزگریش‌لر کیلتیره‌دی.
پاسپورت عمومی ریاستی نینگ اطلاعیه‌سیده کیلیشیچه، پاسپورت ترقه‌تیش جریانی شنبه، ۱۶ میزان دن باشلب، عموم طرزده توخته تیله‌دی.
بیزلرنینگ فیسبوک صحیفه‌میزگه باش اورینگ!
اطلاعیه اساسیده، پاسپورت مرکزی اداره‌سیده طلبگارلر گه کونیده، ۴۰۰۰ مینگ دن ۵۰۰۰ جلد پاسپورت چاپ و توزیع بولیشی باعث، چاپ ماشین‌لری و فنی برچه اوسکونه‌لر، کون اوتیشی بیلن ایشدن قالیب و قیته تعمیرلنیشیگه نیاز دیر.
اطلاعیه گه بناً، چاپ ماشین‌لری و فنی اوسکونه‌لرنی تعمیرلش زمان گه نیاز دیر، شونی اوچون پاسپورت ترقه‌تیش جریانی ایش یکونیگه قدر توخته تیله‌دی.
ایچکی ایشلر وزیرلیگی نینگ پاسپورت عمومی ریاستی، پاسپورت طلبگارلریدن کیینگی امرگچه که اطلاعیه مذکور وزیرلیک و پاسپورت عمومی ریاستی نینگ خبری وبسایت‌لری ده ترقه له‌دی، پاسپورت عمومی ریاستی گه مراجعت قیلمسلیکلرینی سوره‌گن.
بیزلرنینگ توییترده هم تعقیب قیلینگ!
عین‌حالده، افغانستان ده اسلامی امارت حاکمیتیدن کیین، اسلامی امارت اوتگن بیر ییل ده پاسپورت ترقه‌تیش جریانینی نیچه مراتبه توخته‌تگن. سونگی آی‌لرده، یالغیز کابل ده پاسپورت ترقه‌تیلر ایدی.
