اسلامی امارت ایچکی ایشلر وزیرلیگی نینگ پاسپورت عمومی ریاستی، مملکت نینگ ولایت لریده‌گی آمریت‌لری گه، پاسپورت ینگی طلبگارلری نینگ حجت‌لرینی قانونی لشتیریلیش جریانینی یکشنبه، ۲۲ حوت‌دن باشلب توخته‌تیلیش بویروغینی بیرگن.
پاسپورت عمومی ریاستی، ولایت‌لر نینگ پاسپورت آمریت‌لری عنوانیده مکتوب یوللب یازیشیچه، اوشبو ریاست نینگ معلوماتی اساسیده، ولایت‌لر نینگ پاسپورت آمریت‌لری قیته فعالیت گه باشله‌گنیدن حاضرگچه، اوشبو آمریت‌لر پاسپورت طلبگارلری نینگ حجت‌لرینی تعین ایتیلگن سهم‌لری گه نسبتن کوپ طی مراحل قیلگن و بو مسئله پاسپورت آمریت‌لریده حجت‌لر مرکب لشیگه سبب بولگن.
بیزلرنینگ فیسبوک صحیفه‌میزگه باش اورینگ!
اوشبو مکتوب نینگ بیر نسخه‌سی سلام وطندار اختیاری گه قرار تاپگن یازیلیشیچه، ولایت‌لر نینگ پاسپورت آمریت‌لری پاسپورت عمومی ریاستی نینگ بویروغی گه قرشی، پاسپورت طلبگارلری نینگ حجت و مدرک‌لرینی مشترک کمیسیون ایجاد ایتمسدن قانونی لشتیرگن‌لر.
پاسپورت عمومی ریاستی نینگ ینگی تعینلنگن باشلیغی عبدالحکیم حمدی امضاله‌گن اوشبو مکتوب اساسیده، جناب حمدی ولایت‌لر نینگ پاسپورت آمریت‌لری گه هدایت بیرگن که توپلنگن حجت‌لر تیکشیریلیشی اوچون، پاسپورت ینگی طلبگارلری نینگ حجت‌لرینی قانونی لشتیریش جریانی یکشنبه، ۲۲ حوت‌دن باشلب کیینگی معلومات گچه توخته‌تیلیشی کیره‌ک.
پاسپورت ینگی باشلیغی نینگ تأکیدلشیچه، ۲۲ حوت گچه بانکی حواله‌لری عملی بولگن‌لر نینگ حجت‌لری تیزلیک بیلن پنج‌شنبه اوشبو آی نینگ ۲۶ گچه بوتونلی قانونی لشتیریلیب و مرکز گه جونه‌تیلیشی لازم.
بیزلرنینگ توییترده هم تعقیب قیلینگ!
عین‌حالده، بامیان امنیه قوماندان‌لیگی نینگ سوزلاوچیسی محمدخوانی رسا، اوشبو ولایت محلی خبرچی‌لری گه ایتیشیچه، پاسپورت عمومی ریاستی نینگ بویروغی اساسیده، بامیان پاسپورت آمریتی بوگون (یکشنبه، ۲۲ حوت) دن باشلب کیینگی خبر گچه ینگی حجت قبول قیلمه‌یدی.
اونگه کوره، بامیان پاسپورت آمریتی، پاسپورت عمومی ریاستی نینگ هدایتی اساسیده، مذکور آمریت‌ده توپلنگن برچه طلب‌گارلر نینگ حجت‌لرینی اوشبو آی ۲۲ گچه قانونی لشتیریب و مرکز گه یوللشی کیره‌ک.
