احصائیه و معلومات ملی اداره‌سی، بوگون (یکشنبه، ۸-دلو)، بیر خبرنامه ترقه‌تیش بیلن ایتیشیچه، افغانستان ده الکترونیکی کیم‌لیک ترقه‌تیش پروسه‌سی باشلنگنی‌دن حاضرگچه، ۱۲ میلیون ۲۸۸ مینگ یشاوچی گه الکترونیکی کیم‌لیک ترقه‌تیلگن.
اوشبو اداره نینگ کوپه‌یتیریشیچه، بو آره‌ده ییتی میلیون ۱۰۸ مینگ ایرکک و بیش میلیون ۱۸۰ مینگ عیال گه الکترونیکی کیم‌لیک ترقه‌تیلگن.
بیزلرنینگ «ایکس» ترماغی ده هم تعقیب قیلینگ!
احصائیه و معلومات ملی اداره‌سی نینگ اورغولشیچه، اسلام امیرلیگی نینگ قدرت گه ایریشگنی‌دن حاضرگچه مملکت بویلب قریب آلتی میلیون ۲۰۰ مینگ الکترونیکی کیم‌لیک ترقه‌تیلگن.
خبرنامه‌ده کیلیشیچه: «ترقه‌تیلگن الکترونیکی کیم‌لیک‌لردن کوپینچه‌سی، کابل ده ۵ میلیون ۵۶۷ مینگ ۵۲۴، هرات ده ۷۹۶ مینگ‌دن آرتیق، ننگرهار ده ۶۴۵ مینگ ۶۳۵، بلخ ده ۵۰۸ مینگ‌دن آرتیق و قندهار ده ۳۲۳ مینگ ایکن و قالگنی ایسه باشقه ولایت‌لرده طلب‌گارلر گه ترقه‌تیلگن.»
بیزلرنینگ فیسبوک صحیفه‌میزگه باش اورینگ!
احصائیه و معلومات ملی اداره‌سی نینگ بیان قیلیشیچه، حاضرگچه کابل شامل، مملکت بویلب ۷۵ الکترونیکی کیم‌لیک ترقه‌تیش مرکزی، آسان خذمت کورستیش مرکزلری و الکترونیکی کیم‌لیک ترقه‌ته‌دیگن سیار بیر تیم فعال بولیب و هر کون الکترونیکی کیم‌لیک طلب‌گار ایرکک و عیال گه خذمت ارائه قیله‌دی.
