کابل نینگ شمال تامانیده جایلشگن پنجشیر، مناسب هوا، تاغ‌لر، یشیل‌لیک و کوپینچه سوو گه ایگه بولگنی سبب، چاروه‌چیلیک اوچون ماس دیر. مذکور ولایت یشاوچیلریدن کوپینچه‌سی چاروه‌چیلیک آرقه‌لی حیات خره‌جتلری نی تأمین قیله‌دیلر.
۳۰۰ باش چاروه ایگه‌سی بولمیش ۵۵ یاشر گل‌محمد، ییللردن بویان چاروه‌چیلیک آرقه‌لی ۱۰ کیشی‌لیک عایله خره‌جتی نی تأمین قیلگن. اونینگ سلام‌وطندار گه ایتیشیچه، حکومت تامانیدن ییلاولر نینگ ثبت و تقسیم بولیشیدن خبرسیز دیر. گل‌محمد پنجشیر ده ییلاو‌لردن حفاظت قیلینیشی و ییلاولر کوپه‌یشی گه تاکید‌لب کوپه‌یتیریشیچه، ییلاولر نینگ تانیلیشی یخشی بیر اقدام دیر؛ بیراق دولت اونینگ رواجلنیشی خصوصیده هم توجه قیلیشی کیره‌ک.
بیزلرنینگ «ایکس» ترماغی ده هم تعقیب قیلینگ!
اونینگ ایتیشیچه: «بادام اوروغی نی ایکسینلر، هنگ ایکسینلر یا-ده باشقه بیران نرسه ایکسینلر که، ییلاولر کوپه‌یه‌دی، اورمان‌لر کوپه‌یه‌دی. مینی هیچ خبریم یوق. بولمسه تومن گه هم تماس آلگن‌مین. ملک‌لر بیلن هم علاقه‌ده‌میز. ایکی-اوچ یوز چاروه بار. دولت‌دن تاغ نینگ طرفی نی بیللی قیلیشلری نی ایسته‌یمن.»
باشقه بیر تامان‌دن، آبشار تومنی‌ده‌گی چاروه‌چیلردن باشقه بیری خان مرزا نینگ ایتیشیچه، حکومت آرقه‌لی ییلاو تقسیم بولیشیدن خبرسیز دیر؛ بیراق اوتگن ییللردن بیری هر منطقه نینگ ییلاوی بیللی دیر و یشاوچیلر اولردن فایده‌لنه آله‌دی.
شونده‌ی بیرحالده، ایش بیلرمان‌لر نینگ ایتیشلریچه، حکومت آرقه‌لی ییلاو نینگ تقسیم بولیشی و ثبت پروسه‌سی یخشی بیر اقدام دیر؛ بیراق حکومت بدیل ایکین و ییلاولر کوپه‌یشی نی هم نظر گه آلیشی کیره‌ک.
چاروه‌چیلیک ایشلری بوییچه متخصصی ملتان زره‌ور نینگ ایتیشیچه، حکومت قوروق‌چیلیک و چاروه‌چیلیک اوتی کم‌لیگی قیین‌چیلیگی بیلن روپه‌ره بولمسلیک اوچون ییلاولر خصوصیده بدیل ایکین بیریش نی نظر گه آلیشی کیره‌ک.
بولر گه علاوه، پنجشیر ایکینچیلیک، سووغاریش و چاروه‌چیلیک ریاستی باشلیغی فضل‌الله دیوبندی نینگ سلام‌وطندار گه ایتیشیچه، پنجیشیر ولایتیده ۳۱۹ مینگ ۷۷۰ هکتار ییلاو ییر بار که، اونینگ ۶۰۶ هکتاری ییلاو انجمن‌لری آرقه‌لی ثبت بولگن.
بیزلرنینگ فیسبوک صحیفه‌میزگه باش اورینگ!
جناب دیوبندی نینگ کوپه‌یتیریشیچه، منطقه و قوم اساسیده ییلاولر نینگ ترقه‌تیلیشی صورت تاپگن.
ایتیش کیره‌ک که، پنجشیر ده ییلاولر سونگی قوروق‌چیلیک‌لر و اوروش‌لر جریانیده، زیان کوریب و قیته قوریلیش گه نیازی بار.
