پاکستان ملی خوفسیزلیک مصلحتچیسی موئید یوسف، یوقاری مرتبه‌لی بیر هیأت ییتکچیلیگیده، ایکی کون‌لیک بیر سفر ده ایرته کابل کیلیشی گه قرار قیلینگن.
پاکستان اکسپرس تربیون کونده‌لیگی نینگ گزارش بیریشیچه، اوشبو هیأت نینگ سفریدن مقصد، افغانستان یشاوچیلری نینگ نیازی و انسانی وضعیت نی تیکشیریش دیر. شونینگدیک مذکور سفرده افغانستان گه انسان دوستلیک یاردم‌لرنی فراهم قیلیش اوچون پاکستان همکارلیگی حقیده صحبت اوتکزیلیشی ممکن.
گزارش‌ده کیلیشیچه، پاکستان ملی امنیت مصلحتچیسی اسلامی امارت ییریک رسمی‌لری بیلن اوچره‌شیشی و اوشبو مملکت باش‌وزیری عمران خان نینگ افغانستان‌دن حمایت قیلیش حقیده‌گی پیامی نی اعلام قیلیشی ممکن.
بیزلرنینگ فیسبوک صحیفه‌میزگه باش اورینگ!
شونینگدیک اکسپرس تریبون منبع‌لردن نقل قیلیب ایتیشیچه، پاکستان‌دن افغانستان گه متخصص انسانی نیرو یوباریلیشی حقیده‌گی باش وزیر نینگ تکلیفی خصوصیده صحبت اوتکزیلیشی گه هم قرار قیلینگن.
گزارش‌ده کوپه‌یتیریلیشیچه، دیورند چیزیغیده دیوار تارتیش و شونینگدیک افغانستان توپراغیدن پاکستان طالبان تحریکی فایده‌لنمه‌سی، مذکور سفر جریانیده بحث گه آلینه‌دیگن موضوع‌لردن دیر.
اسلامی امارت قدرت گه ایریشگنیدن کیین، پاکستان رسمی‌لری نینگ کابل گه قیلگن بو ایکینچی رسمی سفری دیر. بوندن آلدین، پاکستان تشقی ایشلر وزیری شاه‌محمد قریشی میزان آییده کابل کیلگن ایدی. عین حالده، شونینگدیک اسلامی امارت رسمی‌لری پاکستان گه نیچه مرته سفر قیلگن.
مذکور سفر صورت تاپیشی خصوصیده قرار قیلینگن بیرحالده، پاکستان رسمی‌لری اسلامی امارت رسمی‌لری بیلن اوچره‌شیب و بو مملکت گه انسان‌دوستلیک یاردملر یوبارگن بیرحالده، اسلامی امارت حاضرگچه پاکستان تامانیدن رسمیت گه تانیلمه‌گن.
ینگی‌لیکده پاکستان باش وزیری افغانستان گه انسان کوچ یوباریلیشی خصوصیده‌گی تکلیفی اسلامی امارت نینگ عکس‌العمل‌لری بیلن روپه‌رو بولگن.
