حمید حمیدی پروان ولایتی نینگ ییگیت‌لریدن بیری دیر. او، میلادی ۲۰۱۷- ییل ده مکتب نی بیتتیرگندن کیین اروپا گه ییتیشماق اوچون، ناقانونی مهاجرلیککه یوز کیلتیردی؛ بیراق او مقصدی گه ایریشمه‌دی. او بیرینچی ده ایران و کیین ایسه ترکیه کیتگن.
حمید ناقانونی مهاجرلیک اوچون کمیده ۲۰۰ مینگ افغانی صرفله‌گن و او ایکی مرته هم ایران دن مملکتی گه قیتریلگن. حمید گه کوره، بیرینچی مرته ایران گه کیرگنیدن کیین مذکور مملکت پولیسی آرقه‌لی قولگه آلینیب و افغانستان چیگره‌سیده قیتریلگن و کیینگی مرته ایران ده ۵ آی یشه‌گنیدن کیین ترکیه نینگ یولیده پولیس آرقه‌لی قولگه آلینیب و افغانستان گه جونهتیلگن.
حمید حمیدی سلام‌وطندار بیلن اوتکزگن سوزلشوویده ایتیشیچه: «یول جریانیده قاچاقچیلر بیزلردن زورغه پول آلیب و ایته‌دی ایدیلر که بیزلر سیزلرنی بو یولده آلیب بارمه‌سک سیزلرنی پولیس آلیب کیته‌دی و اوغیرلاوچی کیله‌دی. بیزلر بو ییردن کیتیش و اوزیمیز نی چیقاریش اوچون پولی‌میزنی بیریدیک.»
بیزلرنینگ فیسبوک صحیفه‌میزگه هم باش اورینگ!
حمید مهاجرلیک قیینچیلیک‌لرینی بیان قیلیش بیلن بو نتیجه گه ییتیشگن که مملکت نی ترک قیلیش اورنیده، افغانستان ده یخشی بیر حیات قوریش اوچون حرکت قیلیشی کیره‌ک. او، قوشنی مملکت‌لرده یمان کون‌لرنی باشدن کیچیرگنیدن کیین، افغانستان ده تحصیل گه دوام بیریش اوچون قرار آلگن و او حاضر خصوصی بیلیم‌یورت‌لردن بیری ده حقوق و سیاسی بیلیم فاکولته‌سی نینگ اوچینچی صنف طلبه‌سی دیر.
حمید نینگ کوپه‌یتیریشیچه: «بیزلر ییگیت ایدیک و غروری‌میز بار ایدی و ایته‌دی ایدیک که باشقه ییگیتلر کبی بو یولده کیته آله‌میز و اونینگ عاقبتی نی هیچ توشونمه‌گن ایدیک؛ چونکه قاچاقچیلر آسان یوللرنی بیزلرگه کورستگن ایدی، بیزلرگه قیزیل و یشیل آلمه‌لرنی کورستگن ایدی. حاضر اروپا گه مهاجرلیک توغریسیده سوزله‌شیلگنده، مین دوست‌لریم نی منع قیله‌من. چونکه مینینگ یمان تجربه‌لریم بار و مین سبق اوقیش و افغانستان ده قالیش گه قرار آلگن من. مینینگ ایشانچیم کامل که افغانستان یشاوچی‌لری باشقه مملکت‌لرده قیله‌دیگن ایش‌لرینی افغانستان گه قیلگنده، او ییردن کوپراق بو ییرده درآمد قولگه کیلتیریش‌لری ممکن.»
- ناقانونی مهاجرلیککه یوز کیلتیرگن عیاللرنینگ احوالی
- ناقانونی مهاجرلیک و روانی قیینچیلیک‌لرگه چلینگن ییگیت نینگ حکایه‌سی
- مهاجرلیک؛ مملکت گه قیتگنیدن کیین یوتوقلرگه ایریشگن ییگیت نینگ حکایه‌سی
- نامنظم مهاجرلیک و اروپاده‌گی افغانستان‌لیک مهاجرلرنینگ نامعلوم سرنوشتی
عین حالده مهاجرلیک ایش بیلرمان‌لری نینگ ایشانچ‌لریگه کوره، ناقانونی مهاجرلیک برچه خوف و خطرلری بیلن مهاجرلرنینگ روانی گه جدی ضرر ییتیشتیرگن. مهاجرلیک ایش بیلرمانی محمدکاظم الهام نینگ ایشانچی گه کوره، مملکت گه قیتگن مهاجرلر حیات خصوصیده امیدلرینی قولدن بیرمسلیک‌لری اوچون، باشقه هر نیرسه گه نسبتن روانی دارولش گه احتیاج‌لری بار.
محمدکاظم الهام نینگ ایتیشیچه: «اولرنینگ مملکت گه قیتیشی نی باشقه نتیجه‌لری هم بار. اینگ اونملی موضوع سایکلوژیک یا روانی موضوع دیر. واقعن هم بولرنی کوپ تأثیری بار اینیقسه ییگیت‌لرگه. چونکه اولر کوپ پول مصرف قیله‌دی، شاید هم برچه بار و یوق‌لرینی صرفلش‌لری ممکن. بو یولگه کیته‌دیلر و قیته اولکه‌لریگه جونه‌تیله‌دیلر. اولرنینگ کیلیشی نی ایکی نتیجه‌سی بار. بیری اقتصادی منبع‌لرینی قولدن بیرگن بوله‌دیلر. ایکینچی ایسه اوزلریگه ننگ لکه‌سی دیب بیله‌دیلر و بو روانی لحاظ دن کتته بیر روانی ضرر دیر.
بیزلرنینگ توییترده هم تعقیب قیلینگ!
عین حالده، مهاجرلر وزیرلیگی مسئوللری نینگ ایشانچ‌لریگه کوره، ناقانونی مهاجرلیککه یوز کیلتیرگن کیشیلر زورغه اولکه‌لریگه جونه‌تیله‌دی، بیراق مملکت گه قیتگن کیشیلرنینگ روانی دارولش اوچون اولرنینگ بیللی بیر برنامه‌سی یوق.
مهاجرلر وزیرلیگی نینگ رسانه بولیمی مصلحتچیسی سیدعبدالباسط انصاری نینگ سلام‌وطندارگه ایتیشیچه، بو نهاد ناقانونی مهاجرلیک قیینچیلیک‌لرینی ریشه‌دن حل قیلیش اوچون حرکت قیله‌دی.
حمید گه اوخشه‌گن یوزلرچه یا هم مینگ‌لرچه ییگیت ایسته‌گن حیات‌لریگه ایریشیش اوچون، اولکه نی ترک قیلیب باشقه مملکت‌لرگه کیته‌دیلر، بیراق آمارلر اساسیده، بولردن کوپ کمی ایسته‌گن حیات‌لریگه ایریشگن.
