۲۵ جولای کونی سوو گه چوکیشنینگ آلدینی آلیش خلقارا کونی مناسبتی بیلن، مملکت تورلی ولایتلریده ایریم یشاوچیلر، قوتقرو تیملری آزلیگی، سوو خطرلریدن خبرسیزلیکنی بوندهی واقعهلر یوز بیریش اساسی سببلریدن دیب بیلهدیلر.
کاپیسا ولایتیدن بولگن فرهادنینگ ایتیشیچه، اوشبو ییل بهار فصلیده خالهسینینگ اوغلی صیاد دینگیزیده سووده سوزیش پیتیده چوککن، بیراق قوتقرو تیم یوقلیگی سببلی هلاک بولگن. او شوندهی دییدی: «اوشبو ییل باشلنیشیده دمآلیش اوچون اورتاقلر و قرینداشلر بیرگهسیده صیاد دینگیزی گه باردیک. سووده سوزیش پیتیده اولردن بیری چوکیب هلاک بولدی و محلدهگی کیشیلر اونی قوتقریش گه اوریندی بیراق قوتقریشه آلمهدی و چوکیب هلاک بولگن افسوس بیلن خالهمنینگ اوغلی ایدی و آدملرنینگ چوکیب هلاک بولیش سببلریدن بیری مسلکی کیشیلر و قوتقرو تیم یوقلیگی دیر.»
غزنی ولایتی یشاوچیسی نوید گه کوره، اوشبو ییل یاز فصلیده دمآلیش اوچون ابهسینینگ اوغلی بیلن غزنی سرده توغانی گه بارگن ایدیلر؛ بیراق سووده سوزیش پیتیده ابهسینینگ اوغلی چوکیب کیتگن و اونینگ هیچ کیم قوتقرمهگن. او شوندهی دییدی: «ابهمنینگ اوغلی ۲۵ یاشر ایدی و دمآلیش اوچون غزنی سرده توغانی گه بارگندی و اوزینینگ بیپروالیگی و قوتقریش امکانیتلری یوقلیگی سببلی هلاک بولدی.»
بدخشان ولایتیدن بولگن کریم هم، نیچه کون ایلگری ابهسینینگ اوغلینی سووده سوزیش پیتیده قولدن بیرگن. او شوندهی دییدی: «ابهمنینگ اوغلی دمآلیش اوچون بهارک گه بارگندی و افسوس بیلن سووده سوزیش پیتیده چوکیب هلاک بولدی – ۲۵ یاشلی ایدی و هنوزگچه عزیزلرینینگ جسدلرینی تاپه آلمهگن عایلهلر هم بار، چونکی بو حدودلرده قوتقرو تیمی و خطر بیلگیلری یوق. دمآلیش اوچون دریالر قیرغاغیده کیلیب و سوزیشمهسین، چونکی چوکیب کیتیشلری ممکن.»
طبیعی آفتلر گه تیارگرلیک کوریش اداره سوزلاوچیسینینگ اورین باسری تاجمحمد همت، سونگی بیر ییل دوامیده ۱۴۸ کیشی چوکیب هلاک بولگن و ینه ۲۳ کیشی یرهلنگنینی بیلدیرهدی.
اونینگ ایتیشیچه: «اوتگن بیر ییل دوامیده افسوس بیلن افغانستانده ۱۴۸ کیشی چوکیب هلاک بولگن و ینه ۲۳ کیشی یرهلنگن. اولرنینگ ۷۱ نفرینی ایرککلر و ۱۱ نفرینی عیاللر و ۶۶ نفرینی ایسه بالهلر تشکیل ایتهدی و تورت نفری هنوزگچه بیدرک.»
شو بیلن بیرگه، خلقارا ساغلیقنی سقلش تشکیلاتی، دنیا بویلب هر ییلی ۳۰۰ مینگدن آرتیق کیشی چوکیب هلاک بولیشینی بیلدیرگن. مذکور تشکیلات گه کوره، چوکیب هلاک بولگنلرنینگ تورتدن آرتیق بیر قسمینی بیش یاشنی تولدیرمهگن بالهلر تشکیل ایتهدی و بو واقعهلرنینگ ۹۰دن آرتیغی پس و اورته درآمدلی مملکتلرده یوز بیرهدی.
اوشبو ادارهنینگ تأکیدلشیچه، کیکسهلر تامانیدن کوزهتیلیش، سووزیش قاعدهلری اورگهتیلیشی، بوندهی واقعهلر آلدینی آلیشگه یاردم بیرهدی. بیرلشگن ملتلر تشکیلاتی میلادی ۲۰۲۱-ییل، ۲۵ جولای کونینی چوکیشنی آلدینی آلیش خلقارا کونی دیب بیلگیلهگن.
