اروپا اتفاقینینگ افغانستاندهگی نمایندهلیگی، اوشبو مملکت اینیقسه کابلده سوو آزلیگیدن خواطر بیلدیرگن.
اوشبو نمایندهلیک، بوگون (۶-سنبله، پنجشنبه) ایکس صحیفهسیده بیر بیانیه ترقهتیب بو حقده خواطر بیلدیرگن.
اروپا اتفاقینینگ افغانستاندهگی نمایندهلیگی، بو مملکتنینگ تورلی حدودلری اینیقسه کابلده سوو آزلیگی یشاوچیلرنینگ ساغلیق احوالی و آزیق-آوقت خوفسیزلیگی اوستیگه هم تأثیر قویگنی حقیده آگاهلنتیرگن.
اوشبو نمایندهلیک، افغانستانده سوو آزلیگی و اقلیم اوزگریشلرینی باشقریش اوچون، یاردملری دوام ایتهیاتگنی و بو بولیمده بعضی لایحهلر عملگه آشیریلهیاتگنینی معلوم قیلگن.
بوندن آلدین، بیرلشگن ملتلر تشکیلاتینینگ اوی-جای دستوری، کابلده سوو سحطی سیزیلرلی درجهده پس توشیب و پایتختنینگ آلتی میلیون اهالیسینی خوف بیلن دوچ قیلگنینی ایتگن.
