زابل ساغلیق‌نی سقلش مسئول‌لری نینگ ایتیشلریچه، اوشبو ولایتده بیر تورلی ویروس ییره‌لگن، اوشبو ویروس، چلینگن‌لردن باشقه‌لر گه تیزلیک بیلن یوقه‌دی و حاضرگچه یوزلرچه باله مذکور ویروس گه چلینگن.
زابل ساغلیق‌نی سقلش باشلیغی عبدالحکیم حکیمی نینگ سلام‌وطندار گه ایتیشیچه، اوشبو ویروس باله‌لر باشیدن آلیب و ساچ‌لرینی توکه‌دی، بو ویروس شینگی تومنی نینگ اکثر قیشلاق‌لریده ییره‌لگن. اونینگ کوپه‌یتیریشیچه، اوشبو ویروس‌نی آلدینی آلیش و رواجلنمسلیگی اوچون ساغلیق‌نی سقلش تیم‌لر منطقه گه یوباریلگن.
بیزلرنینگ فیسبوک صحیفه‌میزگه باش اورینگ!
زابل محلی مسئول‌لری گه کوره، بو ویروس طفیلی اولیم‌دن گزارش بیریلمه‌گن؛ لیکن محل یشاوچیلری اوشبو ویروس‌نی خوفلی دیب ایتیشلریچه، مذکور ویروس گه چلینگن قطار باله‌لر جان بیرگن‌لر.
باله‌لری مذکور یروس گه چلینگن شینکی تومنی یشاوچیلریدن بیر قطاری نینگ سلام‌وطندار گه ایتیشلریچه، بو ویروس گه یولیققن باله نینگ باشی‌ده دانه چیقیب و ساچ‌لرینی بوتونلی توکه‌دی.
اولر نینگ تأکیدلشیچه، اوشبو ویروس گه بیر قطار باله‌لر چلینگن و حاضرگچه دارو-دواسی تاپیلمه‌گن. زابل یشاوچیلری ساغلیق‌نی سقلش مسئول‌لریدن، اوشبو ویروس آلدینی آلیش اوچون سعی-حرکت قیلیش‌لرینی سوره‌یدیلر.
سلام‌وطندار فارسی را در توییتر دنبال کنید
عین‌حالده، زابل محلی متصدی‌لری گه کوره، مذکور ویروس محتملاً قوشنی مملکت‌لردن زابل کیلگن و اولر اوشبو ویروس‌نی آلدینی آلیش و کنترول قیلیش اوچون تلاش قیلماقده‌لر. ساغلیق‌نی سقلش مسئول‌لری، مذکور ویروس‌نی آلدینی آلیش اوچون فردی و اطراف محیط تمیزلیگینی مهم بیله‌دیلر.
