قویاش چیقیشی بیلن، سرپل ده قطار باله‌لر مکتب باریش اورنیده، خشت ایشلب چیقریش داش‌لر تامان یول آلیب و عایله اعضالری نینگ احتیاج‌لرینی تأمینلش اوچون ایرته‌لب دن شام گه قدر ایشله‌یدیلر. تعلیم و تربیه دن محروم بولگن اوشبو باله‌لر شاق ایشلرنی قیلیش گه مجبورلر.
ییتتی کیشی‌لیک عایله اعضالری نینگ احتیاج‌لرینی تأمینلش اوچون خشت ایشلب چیقریش داش ده ایشله‌یدیگن ۱۵ یاشر نوید نینگ ایتیشیچه، ایرته‌لب دن شام گه قدر عایله‌سی نینگ احتیاج‌لرینی تأمینلش اوچون ۲۰۰ افغانی عوضی گه ایشله‌یدی.
بیزلرنینگ فیسبوک صحیفه‌میزگه باش اورینگ!
او، اسلام امیرلیگی و یاردم بیرووچی نهادلردن، کمبغل عایله‌لر بولگن منطقه‌‌لر گه یاردم ییتکیزیب بیریش‌لرینی ایسته‌یدی؛ چونکه اوشبو منطقه‌لرده کوپراق کمبغل کیشی‌لر یشه‌یدی.
مذکور باله نینگ کوپه‌یتیریشیچه: «مین ایرته‌لب ساعت ۵:۰۰ دن عصر چاغی ساعت ۶:۰۰ قدر خشت ایشلب چیقریش بیر داش ده ایشله‌ی من. مکتب باریب و بویوک کیشی بولیشنی آرزو قیله‌من؛ لیکن چاره نیمه؟ عایله گه نان آلیب باریش اوچون ایشله‌شیم کیره‌ک.»
۱۴ یاشر گل‌زرین، عایله اعضالری نینگ احتیاج‌لرینی تأمینلش اوچون، ۱۲ یاشر ایناغه‌سی بیلن ایشله‌یدی. اوشبو باله گه کوره، ایناغه‌سی بیلن اوزی نینگ کونده‌لیک درآمدی ۲۵۰ افغانی بوله‌دی اوشبو پول بیلن بیش کیشی‌لیک عایله‌سی نینگ احتیاج‌لرینی تأمینله‌یدی.
گل‌زرین نینگ کوپه‌یتیریشیچه، ایناغه‌سی بیلن مکتب باریش نی آرزو قیله‌دی؛ بیراق کمبغل‌لیک باعث آرزولری گه ییته آلمه‌گن‌لر. گل‌زرین گه کوره: «بیز بو ییرده ۲۵۰ افغانی عوضی گه ایشله‌یمیز. خشت‌لرنی آلیب باره‌میز شو بیزنی ایشیمیز.»
عین‌حالده، سرپل محلی مسئوللری گه کوره، باله‌لرنی قوللب_قوتلش و اولر گه ایش زمینه‌لرینی یره‌تیش اوچون ایریم ریجه‌لرنی نظرگه آلگنلر.
بیزلرنینگ توییترده هم تعقیب قیلینگ!
سرپل معلومات و مدنیت باشلیغی فخرالدین عمیر سرپلی نینگ ایتیشیچه، اسلام امیرلیگی شهرلر بویلب شاقه ایشلرنی قیله‌دیگن باله‌لرنی حمایت ایتیش اوچون سعی‌وحرکت قیلماقده.
اونگه کوره، شهر و مذکور ولایت تومن‌لریدن شاقه ایش قیله‌دیگن باله‌لرنی ییغیب و اولرنی بایومتریک قیلیش دن کیین، اولر گه معاش بیریش گه قرار قیلگنلر.
سرپل معلومات و مدنیت باشلیغی نینگ کوپه‌یتیریشیچه: «اسلام امیرلیگی شاقه ایش قیله‌دیگن و خشت قویه‌دیگن و تعلیم و تربیه دن محروم بولگن باله‌لر نی قوللب_قوتلب و اولر گه معاش بیریش اوچون سعی‌وحرکت قیلماقده.»
محلی منبع‌لر و قوم بویوک‌لری نینگ معلوماتی اساسیده، سرپل ده خشت ایشلب چیقره‌دیگن هر بیر داش ده، بیش دن ۲۰ گه قدر باله ایشله‌یدی و اولر نینگ اکثریتی مذکور ولایت تومن‌لریدن کیلگنلر.
