پاسپورت طلب‌گارلریدن قطاری نینگ سلام‌وطندار گه ایتیش‌لریچه، پوللری نینگ بانکه تحویل بیرگنلری گه علاوه، حاضرگچه پاسپورت قولگه کیلتیره‌آلمه‌ی و پوللری تالان-تاراج بولگن. اولر بانک بیللری نینگ سلام‌وطندار گه یوللب ادعا قیلیش‌لریچه، پاسپورت تعرفه‌لری نی اوتگن ییل ۵-جدی جلال‌آباد شهریده افغانستان مرکزی بانک نماینده‌لیگی گه توللگنلر؛ بیراق اولر نینگ پوللری پاسپورت اداره‌سی نینگ حسابی گه ییتیشمه‌گن.
ننگرهار ده پاسپورت طلب‌گارلریدن انعام‌الدین (مستعار اسم) نینگ سلام‌وطندار گه ایتیشیچه، اوشبو ولایت محلی مسئوللری مذکور قیین‌چیلیکلر نینگ حل بولیشی اوچون نیچه مرته سوز بیرگنلر؛ لیکن حاضرگچه اوشبو قیین‌چیلیک حل بولمه‌گن. اونینگ کوپه‌یتیریشیچه، ۱۱ یوزدن آرتیق کیشی نینگ اوشبو قیین‌چیلیککه روپه‌ره بولگنی گه شاهد دیر و اولر نینگ پوللری هم بانک مسئوللری آرقه‌لی تاراج بولگن.
بیزلرنینگ فیسبوک صحیفه‌میزگه باش اورینگ!
انعام‌الدین نینگ ایتیشیچه: «کابل‌دن مسترد بولگن ۱۱۶۳ کیشی نینگ سندی نی کورگن مین که اوشبو مسترد بولگن سند‌لر آره‌سیده اوچ باله‌م بیلن تورموش اورتاغیم (خاتینیم) نینگ سندی هم بار ایدی. بانک بیلی نینگ جعلی بولگنی باعث، پول نینگ بانک ایشلاوچیلری تامانیدن تاراج بولگنی بیللی بولدی.»
بوتوغریده سلام‌وطندار بیلن صحبت اوتکزگن کیشیلر نینگ ایتیش‌لریچه، مسئوللر نیچه آی آلدین قیین‌چیلیکلری نینگ حل بولیشی اوچون کمیسیون تشکیل بولیشی خصوصیده سوز بیرگنلر ایدیلر؛ بیراق حاضرگچه اوشبو سوزلری عمل گه آشیریلمه‌گن.
ننگرهارده پاسپورت متقاضی‌لریدن باشقه بیری فهیم (مستعار اسم) نینگ ایتیشیچه، پاسپورت آلیش اوچون کوپینچه قیین‌چیلیکلر نی اوتکزگن، بیراق حاضرگچه پاسپورت آلمه‌گنی گه علاوه، شونینگدیک توللگن پولی هم یوقالگن دیر.
اونینگ کوپه‌یتیریشیچه، پاسپورت عمومی ریاست مسئوللری اونینگ بانککه تحویل بیرگن پولی بانک مسئوللری تامانیدن حیف و میل بولگنی و بیلی نینگ جعلی بولگنی نی ایتگنلر. اونگه کوره، پاسپورت ریاست مسئوللری اوندن پول نینگ قیته توللش‌لری نی ایسته‌گنلر.
بیزلرنینگ توییترده هم تعقیب قیلینگ!
اوشبو متقاضی نینگ ادعاسی گه کوره، پاسپورت آلیش اوچون قانونی پروسه یولیدن درخواست بیرگن، لیکن اوشبو ایش کمیشن کارلر تامانیدن آز مدت‌ده کوپینچه هزینه بیلن تیارلنه‌دی.
باشقه بیر تامان‌دن، پاسپورت طلب‌گارلریدن قطاری پاسپورت آلیش مرحله‌لری نینگ قیین و کوپ زمان آلیشی خصوصیده شکایت قیله‌دیلر. شونینگدیک نیچه آیدن بیری پاسپورت آلیش اوچون موفق بولمه‌گنلردن باشقه بیری حمیده مددی نینگ ایتیشیچه: «۵ آی آلدین پاسپورت آلیش اوچون بایمتریک بولگنیم گه علاوه، بیراق حاضرگچه پاسپورت آلیش گه موفق بولمه‌گن‌مین. بیلمه‌یمین نیمه اوچون پاسپورتیم نی قولگه کیلتیره آلمه‌یمین.؟»
بوتوغریده پاسپورت عمومی ریاستی و ایچکی ایشلر وزیرلیگی مسئوللری نینگ فکری نی آلیش ایسته‌دیک؛ بیراق کوپینچه سعی و حرکت بیلن موفق بولمه‌دیک.
ایتیش کیره‌ک که، شونینگدیک بوندن آلدین ولایت‌لردن قطاریده متقاضی‌لردن قطاری بو توغریده شکایت قیلگنلر. شونده‌ی بیرحالده، اوتگن کون اسلامی امارت سرپرست حکومت کابینه‌سی ۳ میلیون ینگی پاسپورت نینگ ترقه‌تیلیشی نی تصدیق قیلگن.