افغانستان اوچون بریتانیا ایلچی‌خانه‌سی شارژدافیری، اسلام امیرلیگی باش وزیری نینگ سیاسی اورین باسری مولوی عبدالکبیر و تشقی ایشلر وزیرلیگی نینگ سیاسی معینی شیرمحمدعباس استانکزی بیلن اوچره‌شگندن کیین ایتیشیچه، بو اوچره‌شوولر ده افغانستان اوچون بیرلشگن ملت‌لر تشکیلاتی خوفسیزلیک کینگشی نینگ سونگی قطعنامهسینی تطبیق ایتیش اوچون کیینگی آدیم‌لر باره‌سیده مذاکره قیلگن.
افغانستان اوچون بریتانیا ایلچی‌خانه‌سی شارژدافیری رابرت دیکسن، ۲۲-جدی، جمعه کونی، ایکس اجتماعی ترماغی ده اسلام امیرلیگی رسمی‌لری بیلن مذاکره‌لرینی اونیملی دیب ایتیشیچه، افغانستان وضعیتی گه دایر بیرلشگن ملت‌لر تشکیلاتی خوفسیزلیک کینگشی نینگ سونگی قطعنامهسینی تطبیق ایتیش، افغانستان کیله‌جگینی توزه‌تیش اوچون یخشی فرصت دیر.
افغانستان وضعیتی گه دایر بیرلشگن ملت‌لر تشکیلاتی خوفسیزلیک کینگشی نینگ سونگی قطع‌نامه‌سی اساسیده، افغانستان اوچون بیرلشگن ملت‌لر تشکیلاتی نینگ مخصوص نماینده‌سی فریدون سینیرلی اوغلو، مستقل تیکشیریش مصلحت‌لر نی عملگه آشیریش اوچون مخصوص نماینده ایتیب تعیینلنیشی کوتیله‌دی.
بیزلرنینگ فیسبوک صحیفه‌میزگه باش اورینگ!
سینیرلی اوغلو جنابلری، اوشبو قطع‌نامه اساسیده اسلام امیرلیگی نی دنیا همجمعیت گه بوتونلی قوشیش اوچون سرپرست حکومت تامانیدن بیریلگن وعده‌لر و خلق‌ارا قاعده‌لر نی عملگه آشیریش گه مکلف دیر.
ارگ، اوتگن کون بیر بیانیه ترقه‌تیب افغانستان اوچون بریتانیا شارژدافیری دن نقل قیلیب یازیشیچه، بریتانیا اسلام امیرلیگی نینگ جهان بیلن قوشیش و کیلیشماووچیلیک‌لر گه چیک قوییش مقصدیده سعی‌وحرکت قیلماقده دیر.
ارگ نینگ بیانیه‌سیده کیلیشیچه: «بو اوچره‌شوو ده بریتانیا شارژدافیری، مملکتی افغانستان ده دایمی صلح و ثبات برقرار ایتیلیش طرفدار لیگینی بیلدیرگن، شو مناسبت افغانستان نینگ جهان بیلن تعاملی و مناسبتی اوچون تلاش قیله‌دی، افغانستان بیلن جهان نینگ تعاملی اوچون دایمی مذاکره‌لر و سیاسی تماس‌لر بولیشی کیره‌ک دیگن، مملکتی افغانستان نی جهان بیلن قوشیب و کیلیشماوچیلیک‌لر نی یوق ایتیش اوچون تلاش قیله‌یاتگنیدن ایشانچ بیرگن.»
بیزلرنینگ «ایکس» ترماغی ده هم تعقیب قیلینگ!
برچه‌سی بیلن، خلق‌ارا مناسبت‌لر ایش بیلرمان‌لریدن بیرقطاری نینگ ایشانچی گه کوره، بریتانیا اسلام امیرلیگی و جهان اورته‌سیده واسطه‌چیلیک قیلیش رولینی اوینه‌ماقده و اسلام امیرلیگی نینگ جهان بیلن قوشیش جریانینی ساده‌لشتیریش مقصدیده سعی‌وحرکت قیلماقده دیر.
خلق‌ارا مناسبت‌لر ایش بیلرمانی بلال فاطمی نینگ سلام‌وطندار گه ایتیشیچه: «اسلام امیرلیگی بیرگن وعده‌لری گه عمل قیلمه‌ی و دنیا طلب‌لرینی قبول قیلمه‌گن حالده، اولر اسلام امیرلیگی نی تن آلمه‌یدی، بریتانیا نینگ یقینده اسلام امیرلیگی نی تن آلیب و تعامل قیلیش نیتی یوق، حرکت‌لرینی اوزگرتیریش؛ یگانه تن آلیش یولی دیر.»
باشقه تاماندن، سیاسی ایش بیلرمان سیدضیا حسینی گه کوره، بریتانیا مذاکره‌لر گه زمینه یره‌تیش اوچون تلاش قیلیش گه قوشیمچه، افغانستان ده نفوذ قیلیشنی ایسته‌یدی. «بریتانیا مذاکره‌لر گه زمینه یره‌تیش گه علاوه افغانستان ده نفوذ قیلیب و افغانسانستان همده منطقه و دنیا آره‌سیده هماهنگ‌لیک برقرار ایتیش تلاشی ده دیر، اسلام امیرلیگی دنیا همجمعیت نینگ طلب‌لری گه تن بیرگن حالده، اولر تامانیدن تن آلینیشی ممکن.»
بو گزارش ده، بریتانیا ایلچی‌خانه‌سی شارژدافیری نینگ بیاناتی گه دایر سرپرست حکومت رسمی‌لری نینگ فکر-ملاحظه‌سینی اورگه‌نیشنی ایسته‌دیک، بیراق حکومت سوزلاوچیلری بوتوغریده‌گی سواللر گه جواب قیترمه‌دیلر.
