ایران کرمان ولایتی ده خودکش هجوم‌لر دن کیین، اولر افغانستان و پاکستان بیلن چیگره‌لرینی یاپیش طرحی اوستیگه ایشله‌ماقده و تیزلیک بیلن عملی بوله‌دی.
ایران ییتکیرمه‌لری بیلن صحبت اوتکزگن اوشبو مملکت ایچکی ایشلر وزیری احمد وحیدی گه کوره: «چیگره‌لر ده بوش اورین‌لردن فایده‌لنیله‌دیگن موردلر اوستون قرار بیریله‌دی و طرح یالغیز دیوار قوریش معناسیده ایمس بلکه باشقه بعدلری هم بار.»
اسلام امیرلیگی سوزلاوچیسی ذبیح‌الله مجاهد نینگ ایتیشیچه، چیگره نی یاپیش طرحی اوشبو مملکت نینگ ایچکی سیاست‌لری گه باغلیق دیر. بو خوفسیزلیک چاره‌لر افغانستان فقرالری نینگ باریب-کیلیشی و سوداگرلیک توارلرنی انتقال بیریش اوستیگه سلبی تاثیر قیلمسلیککه امید بیلدیرگن.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «بو خوفسیزلیک چاره تدبیرلر یشاوچیلر نینگ باریب-کیلیشی و سوداکرلیک توارلرنی انتقال بیریش اوستیگه سلبی تاثیر قیلمسلیککه امید بیلده‌میز، اسلام امیرلیگی ایکی مملکت چیگره‌لری خوفسیزلیگی تامینلنیب و هیچ تامان خطر بیلن دوچ بولمسلیکنی ایسته‌یدی.»
عین‌حالده، سیاسی ایش بیلرمان‌لردن بیرقطاری نینگ ایتیشلریچه، قوشنی اولکه‌لر اینیقسه ایران نینگ خواطرلری حلی اوچون، ایکی مملکت استخباراتی اطلاعات نی بیر-بیری بیلن شریک قیلیش‌لری کیره‌ک.
سیاسی ایش بیلرمان عزیز استانکزی گه کوره، ایران ترورچی گروه‌لر گه قرشی اوچون استخباراتی اطلاعات نی سرپرست حکومت بیلن اورته گه قوییشی لازم.
او نینگ ایتیشیچه: «استخباراتی مسئله‌لرنی افغانستان بیلن شریک قیلیشی کیره‌ک، خوفسیزلیک مسئله‌لر شریک قیلینگن حالده، ایریم موردلر آلدی آلینه‌دی.»
بیزلرنینگ «ایکس» ترماغی ده هم تعقیب قیلینگ!
سیاسی ایش بیلرمان‌لردن باشقه بیری احمدمنیب نینگ ایتیشیچه، خوفسیزلیک مسئله‌لر شریک قیلینگن حالده، ترورچی گروه‌لر بیلن قرشی کورهش ایشلرنی قولی‌لشتیریشی ممکن.
اونگه کوره: «اسلام امیرلیگی و ایران نینگ دشمنی مشترک دیر، خوفسیزلیک مسئله‌لر شریک قیلینگن تقدیرده، ترورچی گروه‌لر گه قرشی کوره‌شنی قولی‌لشتیریشی ممکن.»
اوتگن هفته ۱۳-جدی، چهارشنبه کونی، ایران نینگ کرمان ولایتی قدس سپاه پاسداران کوچلری نینگ سابق قوماندانی قاسم سلیمانی اولدیریلگن‌لیگی نینگ تورتینچی ییل‌لیگی مناسبتی بیلن یولگه قوییلگن مراسم‌ده یوز بیرگن پارتلش‌لر ده، اونلب کیشی اولیب و یره‌لنگن و داعش گروهی اوشبو پارتلش‌لر مسئولیتینی تن آلگن.
