اسلامی امارت تشقی ایشلر وزیرلیگی نینگ سرپرستی امیرخان متقی، افغانستان ده بیرلشگن ملت‌لر تشکیلاتی نینگ اورین باسرلیک هیئت دفتری سرپرستی و اورین باسری مارکس پوتزل بیلن اوتکزگن ملاقاتیده، اسلامی امارت دنیا بیلن تعامل قیلیش مقصدیده سعی و حرکت قیلماقده لیگینی ایتگن.
مملکت تشقی ایشلر وزیرلیگی نینگ سوزلاوچیسی عبدالقهار بلخی، اوتگن کیچه (چهارشنبه، ۳۰ سنبله) توییتری ده یازیشیچه، امیرخان متقی مارکس پوتزل بیلن کابل ده اوچره‌شگن.
بیزلرنینگ فیسبوک صحیفه‌میزگه باش اورینگ!
تشقی ایشلر وزیرلیگی نینگ سرپرستی، بیرلشگن ملت‌لر تشکیلاتی شامل برچه دیپلوماتیک نماینده‌لیکلر بیلن همکارلیک قیلیش، مذکور نماینده‌لیکلر و ایشلاوچیلری نینگ خوفسیزلیگی تأمین ایتیلیشی اوچون چاره تدبیر کوریش و اولر نینگ باریب_کیلیشی گه قولی‌لیک یره‌تیش خصوصیده، یوناما سرپرستی گه ایشانچ بیرگن.
متقی گه کوره: «اسلامی امارت دنیا بیلن تعامل قیلیش اوچون سعی و حرکت قیلماقده و بوتوغریده یوناما نینگ رولی مهم دیر.»
عین‌حالده، اوتگن نیچه هفته ده، پنجشیر ده‌گی توقنشوولر و اوشبو ولایتده اسلامی امارت کوچلری تامانیدن «ملی مقاومت جبهه‌سی» جنگ اسیرلری توپلم شکلده اولدیریلیشی اوچون یوناما اسلامی امارت نی عیبلب، بو اولدیریش احتمالاً مؤثق لیگینی ایتگن ایدی.
بیزلرنینگ توییترده هم تعقیب قیلینگ!
یوناما ایکی کون آلدین ۲۹ سنبله_ اوز فیسبوکی ده یازیشیچه، «یوناما پنجشیر ده‌گی واقعه‌لرنی تیکشیریش گه دوام بیره‌دی. اسلامی امارت کوچلری تامانیدن محبوس‌لر اولدیریلیشی گه عاید گزارش‌لر مؤثق بولیشی ممکن. عامللری جوابگر بولیشی کیره‌ک.»
