اسلام امیرلیگی تشقی ایشلر وزیرلیگی سرپرستی امیرخان متقی، حماس نینگ سیاسی دفتر باشلیغی اسماعیل هنیه گه، اسرائیل حربی کوچلری نینگ هوا هجومی طفیلی عایله اعضالرینی قولدن بیرگنی اوچون همدردلیک بیلدیرگن.
سرپرست حکومت تشقی ایشلر وزیرلیگی سۉزلاوچیسی عبدالقهار بلخی بوگون (پنجشنبه، ۲۳-حمل) ایکس اجتماعی ترماغی‌ده، اوشبو وزیرلیک سرپرستی امیرخان متقی حماس نینگ سیاسی دفتر باشلیغی اسماعیل هنیه بیلن تلفونی علاقه قوریب و اونگه اۉز قیغوداشلیگینی بیلدیرگنینی یازگن.
بیزلرنینگ فیسبوک صحیفه‌میزگه باش اورینگ!
بلخی جنابلری گه کوره، امیرخان متقی اوشبو تلفونی علاقه ده فلسطین خلقی اینیقسه اسماعیل هنیه و عایله اعضالری گه صبر و چیدم سۉره‌گن.
معلومات‌لر اساسیده، اسماعیل هنیه نینگ اوچ اوغلی و تورت نبیره‌سی غزه ده اسراییل اردوسی هوا کوچلری نینگ هوا هجومی ده هلاک بولگنلر.
خلق‌ارا یېتکرمه‌لر نینگ معلوماتی اساسیده، اسماعیل هنیه نینگ باله‌لری هییت اوچون غزه شمالی ده شاطی اردوگاه‌سیده عایله اعضالری و قرینداش‌لری نینگ کورگنی بارگن اېکنلر موترلری اسرائیل هوا کوچلری تامانیدن نشانگه آلینگن.
بیزلرنینگ «ایکس» ترماغی ده هم تعقیب قیلینگ!
اوشبو واقعه طفیلی اسماعیل نینگ هنیه نینگ اوچ اوغلی همده اوچ قیز و بیر اوغیل نبیره‌سی قربان بولگنلر.
ایتیش کېره‌ک، سۉنگی معلومات‌لر اساسیده، غزه ده اسرائیل نینگ ییر و هوا هجوم‌لری عاقبتیده عیاللر و باله‌لر شامل هلاک بولگنلر سانی ۳۳ مینگ و یره‌لنگنلر سانی ۷۵ مینگ کیشی دن آشگن و شونینگدیک میلیون‌لرچه کیشی آچ‌لیک و تورلی کسل‌لیکدن عذاب چېکماقده‌لر.
