ینگی‌لیکده بیرلشگن ملت‌لر تشکیلاتی افغانستان اهالی‌سی گه اوشبو نهاد بشری یاردم‌لری‌دن ۳۰ فایزی نینگ کمه‌یگنی نی خبر بیرگن. بیرلشگن ملت‌لر تشکیلاتی نینگ ایتیشیچه، افغانستان یشاوچیلریدن ۳۸ فایزی گه انسان‌دوست‌لیک یاردم‌لر انجام بیرگنلری بیرحالده، بیراق بودیجه کم‌لیگی باعث اوشبو رقم نینگ ۸ فایز کمه‌یشی ممکن.
شونده‌ی بیرحالده، مملکت اقتصاد وزیرلیگی مسئوللری نینگ ایتیش‌لریچه، بیرلشگن ملت‌لر تشکیلاتی و دنیا جماعه یاردم‌لری نینگ کمه‌یگنی، افغانستان یشاوچیلری و اوشبو مملکت اقتصادی گه سلبی تأثیر قوییب و اولر نی یامان وضعیت‌ده قرار بیرگن.
اقتصاد وزیرلیگی سوزلاوچیسی عبدالرحمان حبیب نینگ سلام‌وطندار گه ایتیشیچه، افغانستانده اسلامی امارت نینگ قدرت گه ایریشگنیدن بویان، افغانستان گه یاردم بیرووچی نهاد‌لردن قطاری فعالیت‌لری نی توخته‌تگنلر.
بیزلرنینگ توییترده هم تعقیب قیلینگ!
اقتصاد وزیرلیگی سوزلاوچیسی دنیا جماعه یاردم‌لری نینگ کمه‌یشی نی دنیا قانون-قاعده‌لری گه قرشی دیب و کوپه‌یتیریشیچه، دنیا جماعه‌سی یاردم‌لری نی سیاسی جنبه‌لر اساسیده ترقه‌تیب و اونینگ سرپرست حکومت اقدام‌لری گه شرط قویگن.
عبدالرحمان حبیب نینگ کوپه‌یتیریشیچه: «اقتصادی پروژه‌لردن کوپ قطاری نینگ توخته‌تیلیشی و سوداگرلیک بولیمی و اقتصادی فعالیت‌لری گه چیکلاو یره‌تیش، ییگولیک ماده‌لر بهاسی نینگ یوقاری کیتیشی و ایش‌سیزلیک میزانی نینگ کوپه‌یشی و نهایت‌ده مملکت‌ده قشاق‌لیک نینگ کوپه‌یشی گه سبب بوله‌دی.»
شونده‌ی بیرحالده، اقتصادی ایش بیلرمان‌لر نینگ ایشانچ‌لری گه کوره، دنیا جماعه یاردم‌لری نینگ کمه‌یشی، مملکت یشاوچیلری نینگ خواطرلنتیرگن و اولر نینگ دستلبکی نیازلری خصوصیده قیین‌چیلیک‌لری نی کوپه‌یتیرگن.
اقتصادی ایش بیلرمان عیسی رضایی نینگ سلام‌وطندار گه ایتیشیچه: «افغانستانده تشقی یاردم‌لر یا-ده منبع‌لر نینگ کمه‌یشی، مملکت بویلب انسانی فاجعه نینگ کوپه‌یشی گه سبب بوله‌دی و دوام قیلگن صورت‌ده، وضعیت بوندن کوپراق یامان بوله‌دی.»
بیزلرنینگ فیسبوک صحیفه‌میزگه باش اورینگ!
اقتصادی ایش بیلرمان‌لردن باشقه بیری ایرج فقیری نینگ ایتیشیچه، افغانستان ده بشری یاردم‌لر آز زمان‌لی دیر و بو یاردم‌لر مملکت اقتصادی نینگ رواجلنیشی اوچون فایده‌لی ایمس.
اونینگ کوپه‌یتیریشیچه، اقتصاد وزیرلیگی، دنیا یاردم‌لری نینگ دوام‌لی بولیشی اوچون، مناسب اقتصادی پالیسی‌سی نی قولگه آلیشی کیره‌ک.
افغانستان قیته قوریلیشی اوچون آمریکا خاص تیکشیروچیسی یا-ده سیگار، افغان عایله‌لردن ۷۰ فایزی دستلبکی ماده‌لر نی تامین قیله آلمه‌یشلری نی ایتگن بیرحالده، بیرلشگن ملت‌لر تشکیلاتی یاردم‌لری نینگ کمه‌یگنی خصوصیده خواطرلر بیان بولدی. شونینگدیک دنیا ییمک برنامه‌سی افغانستان ده انسانی وضعیت خصوصیده خواطر بیلدیریب و ۱۹ میلیون گه ییقین افغان نینگ آچیلیک خوفی گه دوچ کیلگنی نی ایتگن.
