ساغلیق‌نی سقلش وزیرلیگی نینگ اعلان قیلیشیچه، اوتگن بیر کیچه و کندوز ده مملکت بوییچه کرونا ویروسیدن ۱۳ ینگی ایجابی واقعه قید ایتیلگن.
بوگون “شنبه” ساغلیق‌نی سقلش وزیرلیگی نینگ بیر گزارش آرقه‌لی ایتیشیچه، اوتگن بیر کیچه و کندوز ده کرونا ویروسی‌گه شبهه‌لی ۸۴۰ کیشی‌دن آلینگن نمونه‌لر سیناودن اوتکزیلگن و بو جمله‌دن ۱۳ ته‌سی نینگ نتیجه‌سی ایجابی تانیلگن.
اوشبو وزارت تامانیدن نشر قیلینگن گزارش‌گه کوره، انه‌شو مدتده کرونا ویروسی‌گه چلینگنلردن ۳ ته‌سی درمانلنگن و کرونا ویروسیدن ینگی ایجابی واقعه‌لر مملکت ۸ ولایتیده قید ایتیلگن.
ساغلیق‌نی سقلش وزیرلیگی تامانیدن بیریلگن آمارلرگه کوره، مملکتده کرونا ویروسی چیقگنیدن حاضرگه‌قدر ۲۴۸ مینگ و ۹۵۴ کیشی دن آلینگن نمونه‌لر سیناودن اوتکزیلگن و بو جمله‌دن ۵۵ مینگ و ۲۱ کیشی بو ویروس‌گه چلینگن و بو جمله‌دن ۲ مینگ و ۴۰۰ ته‌سی دنیا دن اوتیب و باشقه ۴۷ مینگ و ۶۰۹ ته‌سی درمانلنگن دیر.
ایتیلیشیچه، حاضرگه‌قدر دنیا بوییچه ۱۰۲ میلیون و ۶۷۱ مینگ دن آرتیق کیشی کرونا ویروسی‌گه چلینگن و بوجمله‌دن ۲ میلیون و ۲۱۷ مینگ دن آرتیق کیشی دنیا دن اوتیب و باشقه ۷۴ میلیون و ۳۸۳ مینگ کیشی درمانلنگن.
