Asset 1SWN

هرات؛ ۵ کوندن بویان کرونا ویروسی‌گه شبهه‌لی هیچ‌بیر کسل آزمایش قیلینمه‌گن

Covid-Herat-2-oy0gb7q7nvuxjn0lt2czf57xl22riohs0vfnlkaop4

۵ کوندن بویان هرات ولایتیده کرونا ویروسی‌گه شبهه‌لی هیچ‌بیر کسل آزمایش قیلینمه‌گن. هرات ولایتی بوییچه ساغلیق‌نی سقلش ریاستی سوزلاوچیسی محمدرفیق شیرزی نینگ ایتیشیچه، «تیور ۰۱ و ۰۲» نام‌لی مخصوص ماده بولمه‌گنی سبب، ۵ کوندن بویان کرونا ویروسی‌گه شبهه‌لی هیچ‌بیر کسل سیناودن اوتکزیلمه‌گن.

جناب شیرزی نینگ کوپه‌یتیرشیچه، مذکور مخصوص ماده کابلده هم یوق و چیت‌ایللیک ممکت‌لردن کیلتیریله‌دی.

هرات ولایتی بوییچه ساغلیق‌نی سقلش ریاستی سوزلاوچیسی نینگ ایتیشیچه، اوشبو مخصوص ماده هرات ولایتیگه ییتیشمه‌گن صورتده، شبهه‌لی کیشی‌لردن آلینگن نمونه‌لرنی تیکشیریش اوچون کابل‌گه یوباریلیشی ممکن.

اوتگن ۵ کون جریانیده کرونا ویروسی‌گه شبهه‌لی ۵ کسل هرات شیدایی کسلخانه‌سیده دنیا دن اوتگن.

هرات ولایتیده کرونا ویروسی‌گه چلینگن کسل‌لردن بیرقطاری نینگ سلام‌وطندارگه ایتیش‌لریچه، کرونا آزمایشی‌نی اوتکزیش خصوصیده جدی قیین‌چیلیکلر بیلن روپه‌ره بولگن‌لر.

کرونا ویروسی چیقگنی‌دن حاضرگه‌قدر هرات ولایتیده ۷ مینگ و ۱۷۴ کیشی بو ویروس‌گه چلینگن و بو جمله‌دن ۲۵۶ ته‌سی دنیا دن اوتیب و باشقه ۶ مینگ و ۲۸ ته‌سی درمان‌لنگن دیر.

کلیدی کلمه‌لر: // //

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

توییتر

تلگرام