۲۹-میزان اوزبیک تیلی ملی کونی دن بوگون (جمعه، ۲۸- میزان)، کابل ده اوزبیکستان ایلچیخانه‌سی رسمی‌لری، بیر قطار بیلیم یورت استادلری، عیاللر، مدنی فعاللر و یاش‌لر حضوری بیلن نشانلندی.
اوزگریش مدنی اویوشمه‌سی، آیدین افغانستان و کینگش تشکیلات‌لری نینگ تشبثی بیلن یولگه قوییلگن اوشبو ییغیلیش ده، کابل ده اوزبیکستان ایلچیسی یادگار خواجه شادمانوف، افغانستان نینگ شمالی ده‌گی بلخ، جوزجان، فاریاب، سرپل و قندوز بیلیم یورت‌لری اوزبیک تیلی و ادبیات دیپارتمنت‌لریده تعلیم آله‌یاتگن یاش‌لر و استادلری بیلن علاقه‌لری بارلیگینی بیلدیریب، بلخ و جوزجان ولایت‌لری ده اورته مکتب اوقووچیلری گه اوزبیک تیلی ده‌گی لاتین درس‌لیک‌لرینی تقدیم قیلیب و فایده‌لنماقده‌لیک‌لرینی معلوم قیلدی.
اونگه کوره، اوزبیکستان جمهور باشلیغی فرمانی بیلن ترمذ شهری ده افغانستان فقرالری اوچون تعلیم مرکزی آچیلگن و مذکور مرکز دن ۲۳۲ طلبه، اوزبیک تیلی بوییچه تحصیل آلیب و افغانستان گه قیتگن.
بیزلرنینگ فیسبوک صحیفه‌میزگه باش اورینگ!
اوزبیکستان ایلچیسی نینگ کوپه‌یتیریشیچه، اوزبیکستان ده حاضرگی کونده کوپ سانده افغانستان‌لیک طلبه‌لر درس اوقیش ایشلری بیلن مصروف دیر.
کابل ده اوزبیکستان ایلچیسی یادگار خواجه شادمانوف نینگ ایتیشیچه: «بلخ و جوزجان ولایت‌لری ده اورته مکتب اوقووچیلری گه اوزبیک تیلی ده‌گی لاتین درس‌لیک‌لرینی تقدیم قیلیب و اولر فایده‌لنماقده‌لر.»
اوشبو احتفال تشکیلاتچی‌لری، هر بیر خلق اینیقسه اوزبیک تیلینی رواجلتیریش اوچون، دولت نینگ انیق برنامه‌لری بولیشی گه اوستیگه تاکیدلب، اسلام امیرلیگی دن ملت و تیل برابری ده‌گی مسئولیت‌لرینی اساسی شکلده بجریش‌لرینی طلب قیله‌دیلر.
احتفال تشکیلاتچی‌لریدن محمدحسن تولقین گه کوره: «حاضرگی حکومت دن ایسته‌ی میز افغانستان ده‌گی هر بیر خلق نینگ و هر بیر ملت نینگ تیلینی رواجلنتیریش اوچون انیق برنامه‌لری بولیشی کیره‌ک، هر بیر دولت تیل و ملت برابری ده بولگن مسئولیتینی درست شکلده بجریشنی ایسته‌ی میز.»
احتفال تشکیلاتچی‌لریدن باشقه بیری نقیب‌الله عبید نینگ ایتیشیچه: «سابق دولت ده فعالیت‌لریمیز کوپراق ایدی، رسمی اداره‌لردن بیرقطاری ده اوزبیک تیلی ده فعالیت بار ایدی، بیر قطار رسانه‌لر نینگ اوزبیک تیلی ده نشراتی بار ایدی، افسوس بیلن حاضر اوزبیک تیلی رواجی اوچون کتته برنامه‌لر آلینمه‌یدی و اسلام امیرلیگی دن بوتوغریده دقت قیلیشینی سوره‌ی میز.»
بیزلرنینگ «ایکس» ترماغی ده هم تعقیب قیلینگ!
مذکور احتفال ده حصه قوشگن‌لردن قطاری، تیل ترقیاتی اوچون بو کبی احتفال‌لر یولگه قوییلیشینی اونیملی دیب، اوزبیک تیلی ساحه‌سیده فعالیت آلیب باره‌یاتگن یازووچیلر و شاعرلر دن بو تیل ده کوپراق اثرلر یازیب و اوشبو تیل ده یازیلگن کتاب‌لر نینگ اوقیش گه اشتیاقی بولگن‌لر اوچون چاپ قیلیب و بوکبی برنامه‌لرنی یولگه قوییش‌نی سوره‌یدیلر.
شونینگدیک اولر، اوزبیک باله‌لری آنه تیل‌لری گه درس اوقیش اوچون، مکتب‌لرده اوزبیک تیلی درس‌لیک‌لری توزیع بولیشینی طلب قیله‌دیلر.
احتفال اشتراکچی‌لریدن بی‌بی حوا فرهمند نینگ ایتیشیچه: «بو کبی احتفال‌لر یولگه قوییلیشی اونیملی دیر، دولت دن شمال و شمال_شرقی ولایت‌لر مکتب‌لریده اوزبیک تیلی درس‌لیک‌لرینی توزیع قیلیش نی ایسته‌ی میز.»
مذکور احتفال ده صحبت‌لر، ترانه و شعرلر اوقیلیشی یانیده، اوزبیکانه کییم_کیچک، کتاب و اوزبیک طعام‌لری نمایش گه قوییلگن ایدی.
ایتیش کیره‌ک که، اوزبیک تیلی مملکت نینگ اوچینچی رسمی تیلی اوله‌راق، هر ییلی شمال و شمال‌شرقی ولایت‌لرده طنطنه‌لی روشده نشانلنه‌دی.
