کمیده ۵ آی آلدین کابل بلدیه‌سی کابل شهریده قول اوستیده سودا ساتووچیلر گه غرفه قویش طرحی نی باشله‌گن ایدی. مذکور طرح اساسیده، قول اوستیده سودا ساتووچیلر، آیده ۵۰۰ الی ۲۰۰۰ افغانی نی شهری خذمتلر پولی صفتیده توللش گه مکلف‌لر.
بیراق قول اوستیده سودا ساتووچیلردن قطاری نینگ شکایت قیلیش‌لریچه، غرفه‌لر نی قوللنمه‌گنلری صورت‌ده، کوپینچه پول توللش گه مجبورلر. اولر نینگ ایتیش‌لریچه، شهری خذمتلر پولی اولر نینگ اصلی سرمایه‌لریدن کوپ دیر و اولر مذکور پول نی توللش گه امکانیت‌لر یوق.
بیزلرنینگ فیسبوک صحیفه‌میزگه باش اورینگ!
قول اوستیده سودا ساتووچیلردن بیری نینگ سلام‌وطندار گه ایتیشیچه، او ایکی آیده ۸۰۰۰دن کوپراق بلدیه گه توللش اوچون مجبور دیر. سودا ساتووچیلر کابل بلدیه‌سیدن بو زمینه قراری نینگ تغییر بیریشی نی ایسته‌یدیلر.
کابل شهریده سودا ساتووچیلردن بیری صمیم نینگ ایتیشیچه: «هر کیم اوزی بیر قانون چیقره‌دی، بیری ۴ مینگ باشقه‌سی ایسه ۵ مینگ دیه‌دی. بیری مین گه ۸۶۵۰ افغانی بل یازیب و سین گه مالیه کیلگن دیه‌دی.»
بیزلرنینگ توییترده هم تعقیب قیلینگ!
شونده‌ی بیرحالده، کابل بلدیه‌سی نینگ قبول قیلیشیچه، بو اداره قول اوستیده سودا ساتووچیلر گه پول نینگ بیللی مقداری نی تعیین قیلگن و اولر بیللی زمان‌ده پول نینگ توللش گه مکلف‌لر. کابل بلدیه سوزلاوچیسی نعمت‌الله بارکزی نینگ ایتیشیچه، سودا ساتووچیلر نینگ عامه ساحه‌لرده فعالیت قیلیش‌لری باعث، تعیین بولگن ساحه‌لرده فعالیت خره‌جتلری نی دولت درآمدلری نینگ کوپه‌یشی اوچون توللش‌لری کیره‌ک.
بازار نی منظم قیلیش، جواز آلیش و مالیه توللش طرح‌لری نینگ اجرا بولیشی اولر گه قیین‌چیلیک یره‌تگن بیرحالده، سودا ساتووچیلر کابل بلدیه‌سی نینگ عمل‌لریدن تنقید قیلگنلر.
