بلخ ترافیک مدیریتی مسئوللری نینگ ایتیشلریچه، جاری قویاش ییل جریانیده اوشبو ولایت‌ده ترافیکی حادثه‌لر نتیجه‌سیده، ۱۰۸ کیشی اولیب و ۱۶۰ کیشی یره‌لنگن.
بلخ ترافیک مدیری عبدالقیوم مبارز نینگ ایتیشیچه، اوشبو کیشی‌لر بلخ-جوزجان و بلخ-سمنگان قتناو یوللریده یوز بیرگن ۱۲۲ ترافیکی حادثه نتیجه‌سیده اولیب و یره‌لنگنلر.
بیزلرنینگ فیسبوک صحیفه‌میزگه باش اورینگ!
هیداووچیلر آرقه‌لی ترافیکی قاعده-قانون رعایت ایتیلمسلیگی، معلومات‌سیزلیک، تیز هیده‌ش، سرک‌لر نینگ کیچیک‌لیگی و ترافیکی علامت‌لر یوقلیگی، ترافیکی حادثه‌لر نینگ یوز بیریشی گه سبب بوله‌دیگن اصلی عامل‌لری عنوان بوله‌دی.
بلخ ترافیک مدیری نینگ کوپه‌یتیریشیچه: «جاری ییل‌ده بلخ-جوزجان و بلخ-سمنگان قتناو‌لریده ۱۲۲ ترافیکی حادثه یوز بیریب و نتیجه‌ده ۱۰۸ کیشی اولیب و ۱۶۰ کیشی یره‌لنگن.»
شونده‌‌ی بیرحالده، بلخ یشاوچیلریدن قطاری اوشبو ولایت‌ده ترافیکی حادثه‌لر کوپه‌یشی خصوصیده خواطر بیلدیریب، هیداوچیلر آرقه‌لی ترافیکی قاعده-قانون نینگ رعایت ایتیلیشی نی ایسته‌گنلر.
بیزلرنینگ «ایکس» ترماغی ده هم تعقیب قیلینگ!
بلخ یشاوچیسی بولمیش عبدالله نینگ ایتیشیچه: «ترافیک مدیریتی هیداوچیلیک جوازی بولمه‌گن کیشی‌لر گه موتر هیده‌ش خصوصیده رخصت بیرمه‌گنی صورت‌ده، ترافیکی حادثه‌لر اونچه‌لیک یوز بیرمه‌یدی.»
سونگی کون‌لر ترافیکی حادثه‌لر یالغیز بلخ ولایتی ایمس؛ بلکیم باشقه ولایت‌لرده هم ترافیکی حادثه‌لر کوپه‌یگن دیر.
