جوزجان مرکزی شبرغان شهری اطرافیده خشت پزلیک داش‌لر فعالیتی، هوا افلاس له‌نیشیگه علاوه ایریم بیمارلیکلر گه سبب بولیب و خشت پزلیک داش‌لر فعالیتی بولگن منطقه‌‌لردن، کونیده ۲_۵ بیمار داکتر گه مراجعت قیله‌دی.
شبرغان شهری « خاتون قلعه» منطقه یشاوچیلریدن قطاری نینگ ایتیشلریچه، اوشبو قیشلاق و باشقه قیشلاق‌لرده‌گی خشت پزلیک داش‌لر ایرته‌لب دن آخشم گه قدر موتر تایرینی یاقه‌دیلر که هوا دغللیگیگه قوشیمچه ایریم کسللیکلر گه سبب بولگن.
شبرغان شهری خاتون قلعه قیشلاغی یشاوچیلریدن بولمیش محمد آصف گه کوره، خشت پزلیک داش‌لر فعالیتی نه فقط ساغلیک قیینچیلیککه سبب بولگن، بلکه دودی، باغ‌لری و ایکینزارلری اوستیگه سلبی تاثیر قیلگن.
بیزلرنینگ فیسبوک صحیفه‌میزگه باش اورینگ!
اونینگ ایشانچی گه کوره، ۳۰۰ عایله تیریکچیلیک قیلیب کیله یاتگن مذکور قیشلاق نینگ یریمی، هوا افلاس‌لیگی باعث کسل بولیشگن.
جوزجان مدنی جماعه‌چیلیک فعاللریدن قطاری نینگ سلام‌وطندار گه ایتیشلریچه، یشش اوی‌لر یقینیده خشت پزلیک داش‌لر نینگ فعالیتی، جدی قیینچیلیکلردن بولیب تورت ییل دن بویان، مذکور ولایت یشاوچیلری نینگ حیاتی و یشش محیط نی تهدید قیلماقده دیر.
سلام‌وطندار بیلن صحبت اوتکزگن مدنی جماعه‌چیلیک فعاللریدن بیری عبدالمتین سدید گه کوره، خشت پزلیک داش‌لر کوپراق رهایشی بنالر و مکتب‌لر یقینیده دیر و اوشبو خشت پزلیک کوره‌لر نینگ دودی تنفسی قیینچیلیک و ایریم کسللیکلر گه سبب بولگن.
اونگه کوره، شهر اطرافیده‌گی خشت پزلیک داش‌لر نینگ فعالیتی، هوا دغللیگینی آلدینی آلیش و یشش محیط اوچون توخته تیلیشی کیره‌ک.
جوزجان یشش محیط ریاستی نینگ اطلاعات و عامه نی آگاه‌لنتیریش عمومی مدیری سیدعارف یاردم نینگ ایتیشیچه، حاضر شبرغان شهری ده ۳۰ دن آرتیق خشت پزلیک داش فعالیت قیلماقده و بو اداره اولرنینگ ایشلریدن نظارت قیله‌دی.
بیزلرنینگ توییترده هم تعقیب قیلینگ!
جناب یاردم گه کوره، یاقیلغی ماده‌لر نرخی قیمت بولیشی بیلن، مذکور خشت پزلیک داش‌لردن قطاری نینگ فعالیتی توخته‌گن.
جوزجان ده خشت پزلیک داش‌لر فعالیتیدن عین‌حالده شکایت بولماقده که، جوزجان امانت‌دارلیک شبکه افغانستان تینیق‌لیکنی کوزه‌تووچی تشکیلات نینگ اویغون‌لیگی بیلن، موجود قیینچیلیکلر گه حل یول قیدیریش مقصدیده ریفریندم (همه پرسی) یولگه قویگن که تیزلیک ده نتیجه‌سی شریک قیلینه‌دی.
