جوزجان معارف ریاستی مسئوللری نینگ ایتیشلریچه، اوشبو مکتب‌لر جوزجان نینگ آقچه، خواجه دوکوه و خانقاه تومن‌لریده قوریله‌دی.
جوزجان معارف باشلیغی محمدطاهر جواد نینگ ایتیشیچه، اوشبو مکتب‌لر نینگ بنالری قوریلیشی بیلن، آچیق فضا و خیمه‌لر آستیده درس اوقیدیگن اوقووچیلر نینگ قیینچیلیکلری حل ایتیله‌دی.
جوزجان معارف باشلیغی گه کوره، اوشبو ولایت بویلب ۵۷ فایز مکتب‌لر بنالی و ۴۳ فایزی ایسه بناسیز دیر، باشقه وقت‌لر گه نسبتن مکتب‌لر نینگ بنالری کوپه‌یگن.
بیزلرنینگ فیسبوک صحیفه‌میزگه باش اورینگ!
جناب جواد نینگ کوپه‌یتیریشیچه، سونگی کونلرده جوزجان یشاوچیلری شخصی ییر(زمین)لرینی مکتب بنالری اوچون ساوغه قیلیشگن گه ایجابی آدیم دیر.
شونینگدیک جوزجان ده اکتید دفتری نینگ ولایتی باشلیغی امان امین گه کوره، مذکور مکتب‌لر نینگ هر بیری ۴ یا ۵ درسی اتاق، ۲ اداری اتاق و باشقه لازمی ملزمه‌لری بیلن، زمانه‌وی و پخته شکلده بیر قووتده قوریله‌دی.
اکتید دفتری نینگ ولایتی باشلیغی گه کوره، اوشبو مکتب‌لر نینگ قوریش خرجتی «ناروی» تامانیدن توللنیله‌دی و کیله‌سی تورت آی گچه قوریلیب و فایده‌لنیشگه تاپشیریلیشی ممکن.
بیزلرنینگ توییترده هم تعقیب قیلینگ!
جوزجان ولایتی آقچه تومنی اولسوالی مولوی غلام‌الله حیدری نینگ ایتیشیچه، سونگی کونلرده ترقیاتی پروژه‌لرنی عملگه آشیریش بیلن مذکور تومن یشاوچیلری گه ایش فرصت‌لری یره‌تیلگن.
جوزجان ولایتی آقچه تومنی اولسوالی گه کوره، دولت و یاردم بیرووچی دفترلر گه علاوه، اهالی اوشبو پروژه‌لرنی حفظ و مراقبت قیلیشگه مسئول دیر.
