اسلام امیرلیگی تشقی ایشلر وزیرلیگینینگ اوچینچی سیاسی باشلیغی ذاکر جلالیگه کوره، افغانستان و امریکا علاقهسیده هیچ قندهی بیر قیینچیلیک کوریلمهیدی.
اونینگ بوگون (۸-جدی، دوشنبه)، اکس صحیفهسیده یازیشیچه، اسلام امیرلیگی و امریکا کینگ کولملی همکارلیکلریگه دوام بیرماقده و ایکیله تامان ملی منفعتلریگه اساسلنیب و ینگی باسقیچده مناسبتلرینی کینگهیتیریش اوچون سعی-حرکت قیلماقدهلر.
جلالینینگ ایتیشیچه: «ایکی مملکت آرهسیدهگی حاضرگی علاقهلرده ینه شوندهی باسقیچ ییتیب کیلینگن که، امریکا و افغانستان مناسبتلرینی یخشیلش و کینگهیتیریش یولیده جدی توسیق کوریلمهیدی؛ تاریخی دوحه کیلیشووی امضالنیشی ایسه هر ایکی تاماننینگ سیزیلرلی درجهده منفعتلرگه اساسلنگنینی کورستهدی.»
تشقی ایشلر وزیرلیگی اوچینچی سیاسی باشلیغینینگ کوپهیتیریشیچه، افغانستان ده بویوک ترقیاتی لایحهلرده امریکانینگ ایجابی اورنینی انکار قیلیب بولمهیدی.
افغانستان اوچون امریکانینگ سابق مخصوص نمایندهسی زلمی خلیلزاد، اوتگن کون اسلام امیرلیگی تشقی ایشلر وزیری امیرخان متقی بیلن افغانستان و امریکا مناسبتلرینی رواجلنیش یوللری، امکانیتلری و قیینچیلیکلری توغریسیده صحبت قیلگنی بیرحالده، بو موضوعلر بیان بولگن.
